ប្រទេសអ៊ីរ៉ាក់៖ ជនស៊ីវិល ២នាក់ត្រូវបានសម្លាប់ និងម្នាក់ផ្សេងទៀតរងរបួសកាលពីថ្ងៃសៅរ៍ ទី៣១ ខែសីហា ឆ្នាំ២០២៤ ដោយសារផ្ទុះគ្រាប់បែកបង្កប់ដែលបន្សល់ទុកដោយក្រុមភេរវកររដ្ឋអ៊ីស្លាម (IS) នៅក្នុងខេត្តសាឡាហូឌីន ភាគខាងជើងទីក្រុងបាដាដ នេះបើតាមប្រភពពីមន្ត្រីប៉ូលលិសខេត្ត។
ហេតុការណ៍ផ្ទុះនេះបានកើតឡើងនៅក្បែររថយន្តរបស់ជនស៊ីវិលដែលកំពុងបើកបរលើផ្លូវខ្សាច់តភ្ជាប់ទីក្រុងបាយជីក្នុងខេត្តសាឡាហូឌីនទៅទីក្រុងហាឌីថា ក្នុងខេត្តអានបារ។ ហេតុការណ៍ផ្ទុះបានបំផ្លាញរថយន្តមួយគ្រឿង សម្លាប់មនុស្ស២នាក់ និងមនុស្សម្នាក់ផ្សេងទៀតរងរបួស នេះបើតាមសម្តីរបស់លោក ម៉ូហាមេដ អាល បាហ្ស៊ី នៃការិយាល័យប្រព័ន្ធផ្សព្វផ្សាយខេត្តសាឡាហូឌីន។
ទោះបីជាមានការធ្វើឲ្យប្រសើឡើងទៅលើផ្នែកសន្តិសុខចាប់តាំងពីទទួលបានជោគជ័យលើក្រុមសកម្មប្រយុទ្ធរដ្ឋអ៊ីស្លាម (IS) ក្នុងឆ្នាំ២០១៧ក៏ដោយ ក៏ក្រុមសកម្មប្រយុទ្ធរដ្ឋអ៊ីស្លាមដែលនៅសេសសល់បានបង្កប់ខ្លួននៅតាមទីក្រុង តំបន់វាលខ្សាច់ និងតំបន់ខ្ពង់រាបផ្សេងទៀតដោយបានធ្វើការវាយឆ្មក់ជាញឹកញាប់ប្រឆាំងនឹងកងកម្លាំងសន្តិសុខ និងជនស៊ីវិល៕
ប្រភពព័ត៌មាន Xinhua ចុះផ្សាយថ្ងៃទី០១ ខែកញ្ញា ឆ្នាំ២០២៤
