ប្រទេសស៊ីរី៖ មនុស្ស ៤នាក់ស្លាប់ និងស្ត្រីម្នាក់រងរបួសនៅថ្ងៃអាទិត្យ ទី១៥ ខែកញ្ញា ក្នុងប្រតិបត្តិការតាមអាកាសរបស់អាមេរិកនៅភូមិស្ហានីណានៃខេត្តរ៉ាកា ភាគខាងជើងប្រទេសស៊ីរី នេះបើយោងតាមវិទ្យុក្នុងតំបន់ ស្ហេម អេហ្វអឹម។
ប្រតិបត្តិការដែលធ្វើឡើងដោយកងកម្លាំងអាមេរិកឈរជើងនៅស៊ីរីបានកំណត់គោលដៅលើភូមិដាច់ស្រយាលមួយកន្លែងកាលពីព្រឹកថ្ងៃអាទិត្យ។ ព័ត៌មានលម្អិតអំពីអត្តសញ្ញាណរបស់ជនរងគ្រោះមិនទាន់បានបញ្ជាក់នៅឡើយទេ ចំណែកឯមូលហេតុនៃប្រតិបត្តិការមិនទាន់មានការបញ្ជាក់ឱ្យបានច្បាស់លាស់។
យោធាអាមេរិកបន្តឈជើងនៅភាគឦសានប្រទេសស៊ីរីដោយមានគោលដៅចម្បងប្រយុទ្ធប្រឆាំងនឹងក្រុមសកម្មប្រយុទ្ធរដ្ឋឥស្លាម (IS) ដែលនៅសេសសល់ និងដើម្បីគាំទ្រដល់កម្លាំងប្រជាធិបតេយ្យស៊ីរីដឹកនាំដោយក្រុមឃឺដ។ ទោះបីជាយ៉ាងណាក៏ដោយសកម្មភាពរបស់ពួកគេជាញឹកញាប់រងការរិះគន់ពីរដ្ឋាភិបាលស៊ីរី។
គួររំលឹកផងដែរថា កងកម្លាំងអាមេរិកមិនទាន់ចេញសេចក្តីថ្លែងការណ៍ណាមួយពាក់ព័ន្ធនឹងហេតុការណ៍នេះនៅឡើយទេ៕
ប្រភព Xinhua ចុះផ្សាយថ្ងៃទី១៦ ខែកញ្ញា ឆ្នាំ២០២៤
