ប្រទេសអ៊ីរ៉ាក់៖ ក្រុមសកម្មប្រយុទ្ធរដ្ឋអ៊ីស្លាម (IS) ៣នាក់ត្រូវបានសម្លាប់នៅភាគខាងជើងក្រុងកឺកុក ប្រទេសអ៊ីរ៉ាក់ កាលពីថ្ងៃអាទិត្យ ទី១៥ ខែកញ្ញា ឆ្នាំ២០២៤ នេះបើតាមសម្តីប៉ូលិស។
កងកម្លាំងសន្តិសុខអ៊ីរ៉ាក់បានឡោមព័ន្ធក្រុមសកម្មប្រយុទ្ធរដ្ឋអ៊ីស្លាមដែលពាក់ខ្សែរក្រវ៉ាត់បំផ្ទុះនៅលើម៉ូតូនៅសង្កាត់មួយក្នុងក្រុងកឺកុក ដែលមានចម្ងាយប្រមាណជា ២៥០គីឡូម៉ែត្រភាគខាងជើងទីក្រុងបាដាដ នេះបើយោងតាមប៉ូលិសក្រុងកឺកុក លោក សាឡាម អាលអូបាយឌី ប្រាប់អ្នកសារព័ត៌មាន។
លោក អាល អូបាយឌី និយាយថាកងកម្លាំងសន្តិសុខប៉ះទង្គិចគ្នាជាមួយក្រុមសកម្មប្រយុទ្ធ ២នាក់ ហើយបានសម្លាប់ពួកគេ។ លោកបន្ថែមថា បន្ទាប់មកទៀតកម្លាំងសន្តិសុខបានសម្លាប់ក្រុមសកម្មប្រយុទ្ធទី៣ ដែលពាក់ខ្សែរក្រវ៉ាត់បំផ្ទុះនៅក្រុងដដែល។
គួររំលឹកផងដែរថា ស្ថានភាពសន្តិសុខនៅក្នុងប្រទេសអ៊ីរ៉ាក់មានភាពប្រសើរជាងមុន ចាប់តាំងពីកម្លាំងសន្តិសុខអ៊ីរ៉ាក់កម្ចាត់ក្រុមសកម្មប្រយុទ្ធរដ្ឋអ៊ីស្លាមក្នុងឆ្នាំ២០១៧។ ទោះបីជាយ៉ាងណាក៏ដោយក្រុមសកម្មប្រយុទ្ធរដ្ឋអ៊ីស្លាមដែលនៅសេសសល់សំងំលាក់ខ្លួននៅតាមទីក្រុង តំបន់វាលខ្សាច់ និងតំបន់ខ្ពង់រាបផ្សេងទៀត ហើយបានវាយឆ្មក់ជាញឹកញាប់មកលើកម្លាំងសន្តិសុខ និងជនស៊ីវិល៕
ប្រភព Xinhua ចុះផ្សាយថ្ងៃទី១៧ ខែកញ្ញា ឆ្នាំ២០២៤
