ប្រទេសអ៊ីរ៉ង់៖ កងកម្លាំងអនុវត្តច្បាប់១០នាក់ត្រូវបានសម្លាប់នៅថ្ងៃសៅរ៍ ទី២៥ ខែតុលា ក្នុងការវាយប្រហារភេរវកម្មនៅខេត្តស៊ីស្ថាននិងខេត្តប៉ាឡូជីស្ថានភាគអាគ្នេយ៍ប្រទេសអ៊ីរ៉ង់ នេះបើតាមប៉ូលិសអ៊ីរ៉ាក់។
ក្នុងសេចក្តីថ្លែងការណ៍មួយដែលបានចេញផ្សាយនៅលើគេហទំព័រផ្លូវការរបស់កម្លាំងអ៊ីរ៉ង់ មេបញ្ជាការប៉ូលិសអ៊ីរ៉ង់បាននិយាយថា កម្លាំងទាំងអស់ក្នុងនោះមានទាហាន និងប៉ូលិស ត្រូវ ”ឧក្រិដ្ឋជនភេរវកម្ម” ពួនស្ទាក់វាយឆ្មក់តាមផ្លូវក្នុងពេលដែលពួកគេកំពុងធ្វើដំណើរត្រលប់មកស្ថានីយ៍វិញពីបេសកកម្មផ្តល់សេវាសន្តិសុខដល់ប្រជាពលរដ្ឋនៅក្នុងស្រុកថាហ្វាន។
ក្រោយពេលកើតហេតុ កម្លាំងមួយក្រុមមួយមានស្នងការនគរបាល និងមន្ត្រីក្រសួងមហាផ្ទៃត្រូវបានយកសាកសួរដើម្បីស៊ើបអង្កេតលើករណីការវាយប្រហារនេះ។
ពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះទេ។
សូមបញ្ជាក់ផងដែរថាខេត្តនៅតាមបណ្តោយព្រំដែនរវាងប្រទេសប៉ាគីស្ថាន និងអាហ្វហ្កាស្ថាន ដែលមានដូចជាខេត្តស៊ីស្ថាន និងខេត្តប៉ាឡូជីស្ថាន មានគេដឹងឮថាមានការវាយប្រហារភេរវកម្មជាច្រើនលើកច្រើនសារទាំងទៅលើជនស៊ីវិល និងកងកម្លាំងសន្តិសុខក្នុងរយៈពេលប៉ុន្មានឆ្នាំកន្លងមកនេះ៕
ប្រភពព័ត៌មាន Xinhua ចុះផ្សាយថ្ងៃទី២៦ ខែតុលា ឆ្នាំ២០២៤
