រដ្ឋប៉ាឡេស្ទីន៖ ជនជាតិប៉ាឡេស្ទីន៩នាក់ក្នុងនោះមានអ្នកសារព័ត៌មាន៣នាក់ត្រូវបានសម្លាប់នៅថ្ងៃអាទិត្យនេះក្នុងការវាយប្រហារតាមអាកាសដែលមានគោលដៅលើសាលារៀនមួយកន្លែងដែលជាជម្រករបស់ជនភៀសខ្លួនក្នុងជំរំជនភៀសខ្លួន អាល ស្ហាធី ភាគខាងលិចទីក្រុងហ្កាហ្សា នេះបើតាមប្រភពប៉ាឡេស្ទីន។
តាមប្រភព និងសាក្សីនៅកន្លែងកើតហេតុបានប្រាប់អ្នកយកព័ត៌មានថា យន្តហោះអ៊ីស្រាអែលបានវាយប្រហារលើសាលារៀន អាសម៉ា ដោយគ្រាប់មីស៊ីលយ៉ាងហោចណាស់មួយគ្រាប់។
ក្រុមគ្រូពេទ្យបានរបាយការណ៍ថា ក្រុមការងារគ្រូពេទ្យបានរកឃើញសាកសពជនរងគ្រោះចំនួន៩សព ក្នុងនោះមានក្មេងៗផងដែរ ចំណែកឯអ្នករបួស២០នាក់ផ្សេងទៀតត្រូវបានបញ្ជូនទៅមន្ទីរពេទ្យ។
អាជ្ញាធរការពារជនស៊ីវិលនៅក្នុងតំបន់ហ្កាហ្សាបាននិយាយថា ក្រុមការងាររបស់អាជ្ញាធរដែលមានការសម្របសម្រួលជាមួយក្រុមគ្រូពេទ្យកំពុងបន្តស្វែងរកមនុស្សដែលបាត់ខ្លួននៅក្រោមគំនរបាក់បែក។
ការិយាល័យប្រព័ន្ធផ្សព្វផ្សាយរដ្ឋាភិបាលគ្រប់គ្រងដោយក្រុមហាម៉ាសនៅតំបន់ហ្កាហ្សាបានរាយការណ៍ថា អ្នកសារព័ត៌មាន៣នាក់ត្រូវបានសម្លាប់ក្នុងការវាយប្រហារតាមអាកាសហើយ ពួកគេទាំងនោះគឺជាអ្នកការសែតមកពីបុស្ត៍ទូរទស្សន៍អាលអាកសា ដែលជាគេហទំព័រព័ត៌មានក្នុងស្រុកសេន និងមូលនិធិរបស់ក្រុងយេរូសាឡឹម។
មានការអំពាវនាវឲ្យសហគមន៍អន្តរជាតិ និងអង្គការដែលទាក់ទងនឹងសារព័ត៌មានឲ្យក្រោកឈរតតាំងការពារវិជ្ជាជីវៈ ដោយឲ្យពួកគេទទួលខុសត្រូវនៅមុខតុលាការអន្តរជាតិចំពោះឧក្រិដ្ឋកម្មដែលកំពុងបន្តរបស់ពួកគេ និងដាក់សំពាធលើពួកគេដល់ទីបញ្ចប់ក្នុងករណីសម្លាប់អ្នកសារព័ត៌មានប៉ាឡេស្ទីន។
កងទ័ពអ៊ីស្រាអែលមិនទាន់ធ្វើសេចក្តីអត្ថាធិប្បាយជុំវិញហេតុការណ៍នេះនៅឡើយទេ។
បុគ្គលិកសុខាភិបាលដែលមានមូលដ្ឋាននៅតំបន់ហ្កាហ្សានិយាយនៅក្នុងសេចក្តីថ្លែងការណ៍នៅថ្ងៃសៅរ៍ ទី២៦ ខែកញ្ញា ឆ្នាំ២០២៤នេះថា ចំនួនជនជាតិប៉ាឡេស្ទីនស្លាប់ដោយការវាយប្រហារជាបន្តបន្ទាប់របស់អ៊ីស្រាអែលនៅតំបន់ហ្កាហ្សាបានកើនឡើងដល់ចំនួន ៤២.៩២៤នាក់៕
ប្រភព Xinhua ចុះផ្សាយថ្ងៃទី២៨ ខែតុលា ឆ្នាំ២០២៤
