ប្រទេសអាហ្វហ្កានីស្ថាន៖ អ្នកនាំពាក្យប៉ូលិសខេត្តលោក ខាលីដ សាហាឌី និយាយនៅថ្ងៃអាទិត្យថា មនុស្ស ៣នាក់ស្លាប់បាត់បង់ជីវិតនៅពេលដែលការផ្ទុះមួយកំទេចយានដ្ឋានមួយកន្លែងយ៉ាងឆាប់រហ័សនៅខេត្តហ្កានីភាគខាងកើតប្រទេសអាហ្វហ្កានីស្ថាន។
ហេតុការណ៍ផ្ទុះនេះបានកើតឡើងនៅរសៀលថ្ងៃសៅរ៍ នៅពេលដែលជាងម៉ាស៊ីនកំពុងមមាញឹកនៅក្នុងហាងជួសជុលនាវាដឹកប្រេងនៅក្នុងខេត្តហ្កានី។ មន្ត្រីម្នាក់បានបន្ថែមឱ្យដឹងថា ការផ្ទុះនេះបានសម្លាប់មនុស្ស ៣នាក់នៅនឹងកន្លែងកើតហេតុ។
មន្ត្រីរូបនោះបាននិយាយដោយមិនផ្តល់ព័ត៌មានលម្អិតថា ការស៊ើបអង្កេតកំពុងដំណើរការដើម្បីកំណត់មូលហេតុនៃការផ្ទុះ។
គួរបញ្ជាក់ផងដែរថានៅមុនពេលកើតហេតុនេះ ក៏មានគ្រឿងផ្ទុះកែច្នៃមួយដែលបន្សល់ទុកពីសម័យសង្គ្រាមបានផ្ទុះឡើងនៅក្នុងស្រុកណាវើរ ខេត្តហ្កានីផងដែរ ដោយបានសម្លាប់ក្មេង ២នាក់ និងបង្ករបួសស្នាមដល់មនុស្សជាច្រើននាក់ផ្សេងទៀតនៅថ្ងៃពុធ ទី៣០ ខែតុលា ឆ្នាំ២០២៤៕
ប្រភពព័ត៌មាន Xinhua ចុះផ្សាយថ្ងៃទី៣ ខែវិច្ឆិកា ឆ្នាំ២០២៤
