ប្រទេសអ៊ីរ៉ាក់៖ អាជ្ញាធរសន្តិសុខអ៊ីរ៉ាក់បាននិយាយនៅថ្ងៃសុក្រថា ក្រុមសកម្មប្រយុទ្ធរដ្ឋអ៊ីស្លាមជ្រុលនិយមចំនួន៤នាក់ត្រូវបានចាប់ខ្លួនក្នុងខេត្តសូឡាយម៉េន៉ីយ៉ាស និងខេត្តសាឡាហូដឌីន។
ក្រសួងមហាផ្ទៃអ៊ីរ៉ាក់បាននិយាយក្នុងសេចក្តីថ្លែងការណ៍មួយថា កងកម្លាំងសន្តិសុខអ៊ីរ៉ាក់បានចាប់ខ្លួនក្រុមភេរវករ IS ២នាក់ ក្នុងភូមិមួយនៅភាគខាងកើតខេត្តសាឡាហូដឌីន ហើយពួកគេទាំងពីរនាក់ត្រូវបានប្រគល់ទៅឱ្យអាជ្ញាធរពាក់ព័ន្ធ។
ក្នុងសេចក្តីថ្លែងការណ៍ដាច់ដោយឡែកមួយដែលក្រសួងប្រឆាំងភេរវកម្ម (CTS) បានប្រកាសថា ខ្លួនបានចាប់ពួកសកម្មប្រយុទ្ធរដ្ឋឥស្លាមចំនួន២នាក់ដែលម្នាក់ត្រូវបានចាប់ខ្លួននៅក្នុងខេត្តសាឡាហូដឌីន និងចាប់ខ្លួនម្នាក់ទៀតនៅក្នុងខេត្តសូឡាយម៉េន៉ីយ៉ាសភាគខាងជើងប្រទេសអ៊ីរ៉ាក់ក្នុងតំបន់ពាក់កណ្តាលស្វ័យយ័តឃឺដ។
CTS ថែមក៏បានរាយការណ៍ពីការបំផ្ទុះ និងការកម្ទេចទីតាំងលាក់ខ្លួនរបស់ក្រុមសកម្មប្រយុទ្ធរដ្ឋឥស្លាមចំនួន៤កន្លែង ផ្លូវរូងក្រោមដីមួយកន្លែង និងរូងភ្នំចំនួនមួយកន្លែងក្នុងប្រតិបត្តិការផ្សេងៗគ្នា។
គួរំលឹកផងដែរថា ដោយអ៊ីរ៉ាក់បានប្រកាសជ័យជម្នះលើក្រុមប្រយុទ្ធរដ្ឋអ៊ីស្លាមក្នុងឆ្នាំ២០១៧ ពួកភេរវករដែលនៅសេសសល់បានបន្តវាយឆ្មក់ជាញឹកញាប់មកលើកងកម្លាំងសន្តិសុខ និងជនស៊ីវិលនៅតាមទីក្រុង តំបន់វាលខ្សាច់ និងតំបន់ខ្ពង់រាបផ្សេងទៀត៕
