ប្រទេសអ៊ីស្រាអែល៖ កងកម្លាំងការពារជាតិអ៊ីស្រាអែល (IDF) បាននិយាយនៅក្នុងសេចក្តិថ្លែងការណ៍ថា ពួកគេបានវាយប្រហារលើ “ទីតាំងយុទ្ធសាស្ត្រយោធា” នៅមូលដ្ឋានទ័ពអាកាសផាលមីរ៉ា និងធីយ៉ាស (T4) នៅទីក្រុងហូមដែលជារដ្ឋធានីធំផុតនៅកណ្តាលប្រទេសស៊ីរីនៅយប់ថ្ងៃសុក្រ។
ទូរទស្សន៍ខាន់ដែលគ្រប់គ្រងដោយអ៊ីស្រាអែលបានរាយការណ៍ថា ចារកម្មរបស់កងទ័ពអាកាសអ៊ីស្រាអែលបានតាមដានអាវុធនិងទីតាំងយុទ្ធសាស្ត្រនៅមូលដ្ឋាន ដែលស្ថិតនៅក្រោមការគ្រប់គ្រងរបស់របបអាសាដ និងបានដួលរលំនៅដើមខែធ្នូឆ្នាំមុន។
យោងតាមការចុះផ្សាយរបស់បុស្ត៍ទូរទស្សន៍ យន្តហោះចម្បាំងអ៊ីស្រាអែលបានបំផ្លាញទីតាំងទាំងនេះក្នុងការវាយប្រហារតាមអាកាសដើម្បីរក្សាឧត្តមភាពដែនអាកាសរបស់កងទ័ពអាកាសនៅក្នុងតំបន់។
IDF បានបន្ថែមថា ពួកគេនឹងបន្តធ្វើសកម្មភាពដើម្បីលុបបំបាត់រាល់ការគំរាមកំហែងទាំងឡាយណាដែលគំរាមកំហែងដល់ប្រជាជនអ៊ីស្រាអែល។
កាសែតហារិត្ស (Haaretz) របស់អ៊ីស្រាអែលបានដកស្រង់ខ្លឹមសារពីប្រព័ន្ធផ្សព្វផ្សាយអារ៉ាប់ដែលនិយាយថា មន្ត្រីក្រសួងការពារជាតិស៊ីរី២នាក់រងរបួសក្នុងការវាយប្រហារនេះ៕
