ប្រទេសអាហ្វហ្កានីស្ថាន៖ ប៉ូលិសបានរកឃើញអាវុធ និងគ្រាប់រំសេវដ៏ច្រើនដែលក្នុងនោះក៏មានកាំភ្លើង AK-47 ១៦ដើមក្នុងអំឡុងប្រតិបត្តិការនៅក្នុងខេត្តផាធីកា ភាគខាងកើតប្រទេសអាហ្វហ្កានីស្ថាន។
សព្វាវុធដែលរកឃើញទាំងនោះមានដូចជាកាំភ្លើងវែងមានជើងទ្រកាឡាស្ហនីកូវ(Kalashnikovs) ១៦ដើម កាំភ្លើងវែងអឹមហ្វ័រ(M4) ផលិតដោយអាមេរិក៥ដើម កាំភ្លើងខ្លី១៦ដើម និងគ្រាប់ផ្លោងរាប់រយគ្រាប់ និងឧបករណ៍យោធាជាច្រើនផ្សេងទៀត នេះបើតាមសេចក្តីថ្លែងការណ៍របស់ការិយាល័យប៉ូលិសខេត្តកាលពីថ្ងៃសៅរ៍។
ដោយមិនផ្តល់ព័ត៌មានលម្អិតបន្ថែម សេចក្តីថ្លែងការណ៍បានកត់សម្គាល់ថា គ្មានអ្នកណាម្នាក់មានសិទ្ធិរក្សាទុក ដឹកជញ្ជូន ឬរត់ពន្ធអាវុធ និងគ្រាប់រំសេវដោយខុសច្បាប់នោះទេ។
ក្នុងប្រតិបត្តិការស្រដៀងគ្នាមុននេះ ប៉ូលិសបានរកឃើញគ្រឿងសព្វាវុធ ដែលក្នុងនោះមានដូចជាកាំភ្លើងប្រឆាំងយន្តហោះប្រភេទ DShK មួយដើម គ្រាប់កាំភ្លើងត្បាល់១៨គ្រាប់ គ្រាប់បែកដៃជាច្រើនគ្រាប់ គ្រាប់ប្លោងជាច្រើនប្រអប់ និងឧបករណ៍វិទ្យុទាក់ទងមួយឈុត នៅភាគខាងជើងខេត្តសាម៉ានហ្កានកាលពីសប្តាហ៍មុន៕
