ទីក្រុងនាម៉ី៖ កងទ័ពនីហ្សេរីយ៉ាបានបញ្ជាក់កាលពីថ្ងៃសៅរ៍ថា ទាហានម្នាក់ត្រូវបានសម្លាប់ដោយឧបករណ៍បំផ្ទុះកែច្នៃ ហើយក្រុមភេរវករ១៣នាក់ត្រូវបានចាប់ខ្លួនក្នុងពេលប្រតិបត្តិការយោធា ដែលត្រូវបានធ្វើឡើងនៅចន្លោះថ្ងៃព្រហស្បតិ៍ និងថ្ងៃសៅរ៍ នៅក្នុងដែនដីអធិបតេយ្យភាពរបស់ខ្លូន។
មេដឹកនាំបក្សប្រឆាំងដ៏ល្បីល្បាញម្នាក់ដែលគេស្គាល់អំពីអំពើឃោឃៅរបស់គាត់មកលើជនស៊ីវិល ក្រុមចោរប្រដាប់អាវុធដ៏គ្រោះថ្នាក់ និងបុគ្គលដែលត្រូវបានគេកំណត់អត្តសញ្ញាណជាផ្លូវការថាជាសមាជិកនៃក្រុមឧក្រិដ្ឋជនគឺស្ថិតក្នុងចំណោមភេរវករដែលត្រូវបានចាប់ខ្លួន នេះបើតាមការបញ្ជាក់ពីកងទ័ពនៅក្នុងរបាយការណ៍ព័ត៌មានរបស់ខ្លួន។
គួររំលឹកផងដែរថា ប្រទេសនីហ្សេបន្តប្រឈមនឹងការវាយប្រហារនៅតាមតំបន់ព្រំដែនដោយក្រុមប្រដាប់អាវុធ ដែលគ្រប់គ្រងតំបន់ភាគខាងត្បូងប្រទេសលីប៊ី ក្នុងនោះមានក្រុមភេរវករដែលមានទំនាក់ទំនងជាមួយក្រុមសកម្មប្រយុទ្ធអាល់ កៃដា ក្នុងតំបន់អ៊ីស្លាមម៉ាករឹប និងក្រុមសកម្មប្រយុទ្ធប៉ូកូហារ៉ាម៕
