តុលាការថៃ​កាត់ទោស​បុរសម្នាក់ដាក់ពន្ធនាគារ១១ឆ្នាំពីបទប្រមាថរាជវង្សស្តេចថៃ និងឧក្រិដ្ឋកម្ម​តាមអ៊ីធើណែត

0

ប្រភពព័ត៌មានពី ChannelNewsAsia ចុះផ្សាយថ្ងៃទី ២៧ ខែ មករា ឆ្នាំ ២០១៧

កាលពីថ្ងៃសុក្រនេះតុលាការយោធាថៃបានកាត់ទោសបុរសម្នាក់ឲ្យជាប់ពន្ធនាគាររយៈពេល១១ឆ្នាំ និង៤ខែ​ពីបទបរិហាកេរ្តិ៍ខ្សែរាជវង្ស និងបទឧក្រិដ្ឋកម្មកុំព្យូទ័រ​តាមរយៈការបង្ហោះសារនានានៅលើបណ្តាញទំនាក់ទំនងសង្គម Facebook របស់លោក​កាលពី​ឆ្នាំ២០១៦។ ច្បាប់រដ្ឋធម្មនុញ្ញថៃបានចែងអំពីស្ថានទម្ងន់ទោសដ៏ធ្ងន់ធ្ងរសម្រាប់អ្នកដែល​ជេរប្រមាថឬបរិយារកេរ្តិ៍ក្រុមគ្រួសារញាតិវង្សថៃ ជាពិសេសទៅលើព្រះមហាក្សត្រ មហាក្សត្រី និងព្រះរាជទាយាទ​ជាដើម។ អ្នកទោសនីមួយៗនឹងអាចជាប់ពន្ធនាគារហូតដល់ទៅ១៥ឆ្នាំឯណោះ។ បុរសដែលត្រូវគេកាត់ទោសឱ្យ​ជាប់ពន្ធនាគារខាងលើនេះ​ឈ្មោះលោក Burin Intin អាយុ២៨ឆ្នាំ ចាប់ខ្លួនកាលពី​ថ្ងៃទី២៧ ខែមេសា ឆ្នាំ២០១៦ បន្ទាប់ពីចូលរួម​​នៅក្នុងការ​តវ៉ា​ដោយ​សន្តិវិធី​មួយ​ប្រឆាំង​នឹងរបបដឹកនាំ​យោធាថៃនៅក្នុងទីក្រុងបាំងកកនៅថ្ងៃទី៣០ ខែមេសា ឆ្នាំ២០១៦។ មេធាវីរបស់លោក Burin Intin ថ្លែងប្រាប់​អ្នកសារព័ត៌មាន​ថាកូនក្តីរបស់លោក​នឹងមិនធ្វើការប្តឹង​ឧទ្ធរណ៍នោះឡើយ ប៉ុន្តែលោក​នឹងដាក់លិខិត​ស្នើសុំព្រះរាជ្យទានទោស​ពីព្រះមហាក្សត្រ៕