បេសកជនពិសេសរបស់កូរ៉េខាងត្បូងកំពុងពិភាក្សាក្នុងការសហការរកជំនួយពីចិន និងរុស្ស៊ីក្នុងការដោះស្រាយជាមួយកូរ៉េខាងជើង

ប្រភពព័ត៌មានពី ChannelNewsAsia ចុះផ្សាយថ្ងៃទី ២៥ ខែ មេសា ឆ្នាំ២០១៧

លោក Kim Hong-kyun បេសកជនពិសេសសម្រាប់កិច្ចការសន្តិភាព និងសន្តិសុខក្នុងឧបទ្វីបកូរ៉េប្រចាំកូរ៉េខាងត្បូងនិយាយនៅថ្ងៃអង្គារនេះថាលោកបានពិភាក្សាដើម្បីទទួលបានកិច្ចសហប្រតិបត្តិការពីប្រទេសចិន និងប្រទេសរុស្ស៊ីក្នុងការដោះស្រាយជាមួយប្រទេសកូរ៉េខាងជើង។ បន្ទាប់ពីកិច្ចពិភាក្សាជាមួយសមភាគីជប៉ុន និងសហរដ្ឋអាមេរិកក្នុងកិច្ចប្រជុំមួយនៅទីក្រុងតូក្យូលោក Kim Hong-kyun និយាយទៅកាន់ក្រុមអ្នកកាសែតថារឿងដែលព្រួយបារម្ភនោះគឺកូរ៉េខាងជើងកំពុងរៀបចំខ្លួនក្នុងការធ្វើតេស្តអាវុធនុយក្លេអ៊ែរថ្មីឬការបាញ់មីស៊ីលផ្លោងថ្មី៕