ប្រភពព័ត៌មានពី RT ចេញផ្សាយថ្ងៃទី ០៣ ខែ ឧសភា ឆ្នាំ២០១៧
សេចក្តីរាយការណ៍បានឲ្យដឹងថាមនុស្ស៨នាក់ស្លាប់ និង២៨នាក់ផ្សេងទៀតរងរបួសក្នុងការបំផ្ទុះគ្រាប់បែកអត្តឃាតលើក្បួនរថយន្តរបស់អង្គការណាតូនៅជិតស្ថានទូតអាមេរិកក្នុងទីក្រុងកាប៊ុលប្រទេសអាហ្វហ្គានីស្ថាន។ ភេរវកររដ្ឋអ៊ីស្លាម (IS អតីតក្រុម ISIS/ISIL) អះអាងទទួលខុសត្រូវចំពោះការវាយប្រហារនេះ។តាមរូបភាពដំបូងពីកន្លែងកើតហេតុបានបង្ហាញឲ្យឃើញថាមានរថយន្តមួយគ្រឿងឆាបឆេះឡើង បន្ទាប់មករថពាសដែកជាច្រើនគ្រឿងរងការខូចខាត។ រ៉យទ័របានរាយការណ៍បន្ថែមទៀតថានៅមិនទាន់ដឹងច្បាស់ថាតើកងទ័ពរបស់ប្រទេសណាមួយក្នុងចំណោមអ្នកស្លាប់ និងអ្នករងរបួសទាំងអស់នោះទេ។គ្រាប់បែកមួយគ្រាប់ផ្ទុះឡើងក្នុងអំឡុងពេលចរាចរកំពុងមមាញឹកនៅពេលព្រឹកក្នុងតំបន់ Macroyan ក្នុងទីក្រុងកាប៊ុលដែលនៅជិត Abdul Haq Square។ ហេតុការណ៍នេះកើតឡើងនៅម៉ោងប្រមាណជា៨ព្រឹកម៉ោងនៅក្នុងស្រុក៕
![](https://i0.wp.com/www.cdn.nctc.gov.kh/2017/05/Afganistan-04-05-17.jpg?resize=570%2C380)