ប្រភពព័ត៌មានពី ChannelNewsAsia ចុះផ្សាយថ្ងៃទី ១០ ខែ មិថុនា ឆ្នាំ២០១៧
ប្រព័ន្ធផ្សព្វផ្សាយក្នុងស្រុកនិយាយថាប្រទេសចិននឹងផ្តល់ការគាំទ្រ និងជំនួយសម្រាប់កិច្ចខិតខំប្រឹងប្រែងរបស់ប្រទេសភូមាបន្ទាប់ពីធ្លាក់យន្តហោះយោធានៅឆ្នេរសមុទ្រភាគខាងត្បូងប្រទេសអាស៊ីអាគ្នេយ៍ដែលមានមនុស្ស១២២នាក់នៅលើយន្តហោះនេះ។ ទីភ្នាក់ងារ Xinhua និយាយនៅល្ងាចថ្ងៃសុក្រនេះថាលោកប្រធានាធិបតី Xi Jinping ប្រាប់លោក U Htin Kyaw នៅក្នុងសាររំលែកទុក្ខមួយថាប្រទេសចិនដែលជាប្រទេសជិតខាងចែករំលែកនូវទុក្ខព្រួយជាមួយនឹងប្រទេសភូមាចំពោះគ្រោះថ្នាក់នេះ។ ទីភ្នាក់ងារបន្ថែមថា “លោក Xi ចូលរួមកាន់ទុក្ខ និងរំលែកការអាណិតអាសូរទៅកាន់រដ្ឋាភិបាល និងប្រជាជនភូមាជាពិសេសក្រុមគ្រួសារ និងជនរងគ្រោះ”។ កងកម្លាំងយោធាភូមានិយាយថា យន្តហោះ Y-8-200F ផលិតនៅប្រទេសចិនបាត់ការទំនាក់ទំនងរយៈពេល២៩នាទីបន្ទាប់ពីការហោះហើរកាលពីថ្ងៃពុធនៅក្នុងរយៈកំពស់១៨០០០ហ្វីត (៥៤៨៥ ម៉ែត្រ) ចម្ងាយប្រមាណជា៤៣ម៉ាយ៍ (៧០ គីឡូម៉ែត្រ) ពីភាគខាងលិចឆ្នេរសមុទ្ររបស់ទីក្រុង Dawei។ កងកម្លាំងទាហាន សមាជិកគ្រួសារ និងនាវិកលើយន្តហោះធ្វើដំណើរចេញពីតំបន់ឆ្នេរទៅកាន់ទីក្រុងធំបំផុត Yangon របស់ភូមាក្រោយមកក៏បាត់ខ្លួន។ កងកម្លាំងយោធានិយាយក្នុងសេចក្តីថ្លែងការណ៍កាលពីថ្ងៃសៅរ៍ថាក្រុមអ្នករុករកបានរកឃើញសាកសពមួយទៀតដែលសរុបទាំងអស់ពេលនេះមានចំនួន៣២នាក់ទាញចេញពីសមុទ្រ។ កម្រិតទឹករលកខ្ពស់ និងអាកាសធាតុព្យុះបន្តរារាំងទៅដល់កិច្ចខិតខំប្រឹងប្រែងនៅក្នុងការរុករកនេះ៕
