ប្រភពព័ត៌មានពី RT ចុះផ្សាយថ្ងៃទី ១៨ ខែ កក្កដា ឆ្នាំ២០១៧
នាយករដ្ឋមន្រ្តីប្រទេសលីបង់លោក Saad al-Hariri មានប្រសាសន៍កាលពីថ្ងៃអង្គារ៍ថាកងយោធានឹងធ្វើប្រតិបត្តិការនៅតំបន់ Juroud Arsal ស្ថិតនៅភាគជើង Lebanon នេះបើយោងតាមប្រភពពីភ្នាក់ងារសារព័ត៌មានជាតិ។ ការថ្លែងនៅក្នុងរដ្ឋសភាលោក Hariri បានរៀបរាប់ពីប្រតិបត្តិការនៅព្រំដែនស៊ីរីដោយយកចិត្តទុកដាក់។ តំបន់ Juroud Arsal ជាតំបន់គ្មានទីលំនៅដោយវាជាតំបន់ភ្នំដែលស្ថិតនៅរវាងប្រទេសស៊ីរី និងប្រទេសលីបង់។ តំបន់នេះបានក្លាយជាមូលដ្ឋាននៃការធ្វើប្រតិបត្តិការប្រយុទ្ធជាមួយពួកបះបោរក្នុងសង្គ្រាមស៊ីរីរវាងក្រុម Nusra និងក្រុមរដ្ឋអ៊ីស្លាម (IS អតីត ISIS/ISIL)៕
