ប្រភពព័ត៌មានពី BBC ចេញផ្សាយថ្ងៃទី ២៥ ខែ កក្កដា ឆ្នាំ២០១៧
ប្រទេសអ៊ីស្រាអែលកំពុងដកយកឧបករណ៍រាវរកជាតិផ្ទុះចេញពីទីតាំងដ៏ពិសិដ្ឋមួយនៅក្នុងទីក្រុងយេរូសាឡឹម ហើយនឹងប្រើការឃ្លាំមើលជំនួសវិញ។ គណៈរដ្ឋមន្ត្រីរបស់នាយករដ្ឋមន្ត្រីលោក Benjamin Netanyahu បោះឆ្នោតសម្រាប់ការផ្លាស់ប្តូរនៅដំណាក់កាលដំបូងនៅថ្ងៃអង្គារ៍នេះ។ ភាពតានតឹងនេះបានកើនឡើងបន្ទាប់ពីប៉ូលិសអ៊ីស្រាអែល២នាក់ត្រូវបានសម្លាប់កាលពីថ្ងៃទី១៤ ខែកក្កដានៅតំបន់បូជារបស់សាសន៍យូដាដែលគេហៅថាជាប្រាសាទភ្នំ និងម៉ូស្លីម។ ជាមួយគ្នានេះផងដែរបេសកជនរបស់អង្គការសហប្រជាជាតិប្រចាំមជ្ឈឹមបូព៌ាបានព្រមានពីភាពតានតឹងដែលមានការរីករាលដាលលើសពីទីក្រុងបុរាណនេះ។ សេចក្តីថ្លែងការណ៍មួយពីការិយាល័យរបស់លោក Netanyahu បានឲ្យដឹងថាគណៈរដ្ឋមន្ត្រី សន្តិសុខ បានទទួលយកអនុសាសន៍ របស់ស្ថាប័នសន្តិសុខទាំងអស់ដើម្បីផ្លាស់ប្តូរការត្រួតពិនិត្យជាមួយឧបករណ៍រាវរកជាតិផ្ទុះ ដើម្បីត្រួតពិនិត្យសន្តិសុខដោយផ្អែកលើបច្ចេកវិទ្យាកម្រិតខ្ពស់ និងមធ្យោបាយផ្សេងទៀត។ សេចក្តីថ្លែងការណ៍នេះក៏បានឲ្យដឹងថារដ្ឋាភិបាលត្រូវចំណាយ ទឹកប្រាក់ប្រមាណ១០០លានShekel (លុយអ៊ីស្រាអែល) ដែលស្មើនឹង ២៨លានដុល្លារសម្រាប់ការបង់ឧបករណ៍ថ្មី និងមន្ត្រីប៉ូលិសបន្ថែម។ សូមបញ្ជាក់ថាកាលពីថ្ងៃសុក្រកន្លងទៅមានជនជាតិប៉ាឡេស្ទីន៣នាក់ត្រូវបានគេសម្លាប់ នៅក្នុងការប៉ះទង្គិចគ្នាជាមួយកងកម្លាំងសន្តិសុខអ៊ីស្រាអែលខណៈដែលមនុស្សរាប់ពាន់នាក់បានធ្វើបាតុកម្មនៅទីក្រុងយេរូសាឡឹមនៅភាគខាងកើត។ ជាមួយនឹងការចូលទៅកាន់កាប់ធនាគារនៅភាគខាងលិចដែលបណ្តាលឱ្យជនស៊ីវិលអ៊ីស្រាអែល៣នាក់ស្លាប់ និង៤នាក់ទៀតរងរបួស៕
