ប្រភពពត៌មានពី RT ចេញផ្សាយថ្ងៃទី ១៦ ខែ មករា ឆ្នាំ២០១៨
ប៉ូលិសក្រិកបាញ់ឧស្ម័នបង្ហូរទឹកភ្នែកទៅលើហ្វូងបាតុករដែលប្រមូលផ្តុំគ្នានៅខាងក្រៅអាគារសភាខណៈដែលក្រុមអ្នកតាក់តែងច្បាប់ជជែកដេញដោលទៅលើកំណែទម្រង់ថ្មីដែលមានលក្ខខណ្ឌតឹងតែងជាងមុនសម្រាប់សហជីព និងកាត់បន្ថយផលប្រយោជន៍របស់ពួកគេ។ សារព័ត៌មាន Reuters រាយការណ៍ថាមនុស្សប្រមាណជា១០,០០០នាក់ប្រមូលផ្តុំគ្នានៅខាងក្រៅសភាទីក្រុងអាតែនហើយអ្នកខ្លះគប់គ្រាប់បែកសាំង និងដុំថ្មទៅលើមន្រ្តីដែលឈរជារនាំងខាងក្រៅអាគារ។ ប៉ូលិសក៏បានឆ្លើយតបដោយការបាញ់ឧស្ម័នបង្ហូរទឹកភ្នែក។ ក្រុមបាតុករប្រមូលផ្តុំគ្នាប្រឆាំងនឹងច្បាប់រឹតត្បិតដែលចងក្រងជា១,៥០០ទំព័រអនុម័តដោយសមាជិកសភាពីក្រុមចម្រុះដឹកនាំដឹកនាំដោយអភិបាលកាលពីល្ងាចថ្ងៃចន្ទ។ វិក័យប័ត្រនេះរួមបញ្ចូលទាំងវិធានការកំណត់សកម្មភាពធ្វើកូដកម្មដែលជាទង្វើមួយធ្វើឱ្យសហជីពមានការខឹងសម្បា។ វាក៏រួមបញ្ចូលទាំងការកាត់បន្ថយផលប្រយោជន៍ថ្មី និងអនុញ្ញាតឱ្យលក់ផ្ទះដែលត្រូវរឹបអូសក្នុងរយៈការដេញថ្លៃតាមអនឡាញ។ វិក័យប័ត្រនេះគឺជាសក្តានុពលនៃកញ្ចប់ថវិកាកាត់បន្ថយចុងក្រោយដែលត្រូវអនុវត្តមុនពេលប្រទេសក្រិកបញ្ចប់កម្មវិធីថវិកាសង្គ្រោះរបស់ខ្លួនក្នុងខែសីហា។ ប្រទេសនេះទទួលប្រាក់កម្ចីឥណទានសង្គ្រោះបន្ទាន់ចំនួន៣ចាប់តាំងពីឆ្នាំ២០១០ដែលមានមូលនិធិចម្បងមកពីសមាជិកសហភាពអឺរ៉ុប។ លោក Alexis Tsipras នាយករដ្ឋមន្ត្រីក្រិកនិយាយថាការអនុម័តវិក័យប័ត្រនេះគ្រាន់តែនាំប្រទេស “ឆ្ពោះទៅមួយជំហានពីការបញ្ចប់ការសង្រ្គោះ”។លោកបន្ថែមថា “នៅរដូវក្ដៅខាងមុខនេះយើងនឹងចាកចេញពីភាពតានតឹង ភាពអយុត្តិធម៌ និងភាពគ្រោះថ្នាក់។ កាលពីព្រឹកថ្ងៃចន្ទការដឹកជញ្ជូនសាធារណៈនៅក្រុងអាតែនត្រូវបិទដោយសារបាតុកម្ម។ សាលារៀននិងមន្ទីរពេទ្យក៏ប្រឈមនឹងការរំខានផងដែរខណៈគ្រូបង្រៀន និងគ្រូពេទ្យចូលរួមក្នុងការដើរ។ ពួកគេត្រូវចូលរួមដោយអ្នកត្រួតពិនិត្យចរាចរផ្លូវអាកាសដែលធ្វើកូដកម្មរយៈពេល៣ម៉ោងនិងត្រូវបង្ខំឱ្យជើងហោះហើរជាច្រើនត្រូវរៀបចំឡើងវិញឬលុបចោល៕
