ប្រភពពត៌មានពី RT ចេញផ្សាយថ្ងៃទី ៣១ ខែ មករា ឆ្នាំ២០១៨
ឯកអគ្គរដ្ឋទូតរុស្ស៊ីប្រចាំនៅកូរ៉េខាងជើងព្រមានថាការដាក់បំរាមទាំងស្រុងលើការនាំចេញប្រេងទៅកាន់ប្រទេសកូរ៉េខាងជើងគឺជាការបិទផ្លូវទាំងស្រុង និងចាត់ទុកជាការប្រកាសសង្គ្រាមជាមួយក្រុងព្យុងយ៉ាង។ ក្រុមប្រឹក្សាសន្តិសុខអង្គការសហប្រជាជាតិ (UNSC) ឯកភាពលើការដាក់ទណ្ឌកម្មថ្មីលើប្រទេសកូរ៉េខាងជើងកាលពីខែធ្នូឆ្នាំមុនដោយកាត់បន្ថយការនាំចូលប្រេង និងប្រេងកាតរបស់ប្រទេសនេះជាការឆ្លើយតបទៅនឹងការបាញ់សាកល្បងមីស៊ីលចុងក្រោយរបស់ក្រុងព្យុងយ៉ាង។ បេសកជនប្រទេសរុស្ស៊ីប្រចាំនៅកូរ៉េខាងជើងលោក Alexander Matsegora ព្រមានប្រឆាំងនឹងការកាត់បន្ថយផ្គត់ផ្គង់ប្រេងទៅឱ្យប្រទេសនេះ។ លោក Matsegora និយាយនៅក្នុងបទសម្ភាសន៍ជាមួយភ្នាក់ងារពត៌មាន Ria Novosti កាលពីថ្ងៃពុធថា ”ប្រសិនបើការផ្គត់ផ្គង់ប្រេង និងផលិតផលប្រេងត្រូវបញ្ឈប់នោះមានន័យថាជាការរាំងស្ទះពេញលេញចំពោះប្រទេសកូរ៉េខាងជើង”។ ក្រុងព្យុងយ៉ាងនិយាយម្តងហើយម្តងទៀតថាការផ្លាស់ប្តូរបែបនេះដូចជា “ការប្រកាសសង្គ្រាមជាមួយលទ្ធផលទាំងអស់”។ លោក Matsegora និយាយថាអង្គការសហប្រជាជាតិដាក់ទណ្ឌកម្មលើការផ្គត់ផ្គង់ប្រេងចំនួន៥៤០,០០០តោនពីប្រទេសចិន និងប្រេងកាតឆៅចំនួន៦០,០០០តោនពីបណ្តាប្រទេសដទៃទៀត។ នេះដូចជា “ការធ្លាក់ចូលទៅក្នុងសមុទ្រ”។ ទីក្រុងប៉េកាំងជឿថាទីក្រុងព្យុងយ៉ាងជាដៃគូរសេដ្ឋកិច្ចដ៏សំខាន់របស់ខ្លួនស្ទើរតែទាំងអស់នៃការផ្គត់ផ្គង់ពាណិជ្ជកម្ម និងថាមពលទៅកូរ៉េខាងជើង។ របបនយោបាយទណ្ឌកម្មនៅក្នុងពាណិជ្ជកម្មរបស់ប្រទេសចិនជាមួយកូរ៉េខាងជើងមានការធ្លាក់ចុះ៥០%នៅក្នុងខែធ្នូ។ បន្ថែមពីទណ្ឌកម្មសេដ្ឋកិច្ចដែលមានស្រាប់អនុម័តដោយក្រុមប្រឹក្សាសន្តិសុខដែលមានសមាជិកចំនួន១៥ប្រទេស ទីក្រុងវ៉ាស៊ីនតោនមានវិធានការដាក់ទណ្ឌកម្មឯកតោភាគី។វិធានការនេះត្រូវជំទាស់ម្តងហើយម្តងទៀតដោយក្រុងម៉ូស្គូដែលមិនអាចទទួលយកបានទាក់ទងនឹងច្បាប់អន្ដរជាតិ៕
