ប្រភពព័ត៌មានពី RT ចុះផ្សាយថ្ងៃទី ២១ ខែ មីនា ឆ្នាំ២០១៨
យ៉ាងហោចណាស់មានមនុស្ស២៦នាក់ស្លាប់ និង១៨នាក់រងរបួសដោយសារអ្នក បំផ្ទុះគ្រាប់បែកអត្តឃាតម្នាក់បំផ្ទុះខ្លួនឯងនៅទីក្រុងកាបុលប្រទេសអាហ្វហ្គានីស្ថាន។ ការបំផ្ទុះកើតឡើងនៅថ្ងៃពុធនេះបើយោងតាមអ្នកនាំពាក្យឲ្យក្រសួងមហាផ្ទៃ។ ហេតុការណ៍នេះកើតឡើងនៅជិតតំបន់ទីសក្ការៈបូជា Shiite នៅភាគខាងលិចក្រុងកាប៊ុលនេះបើយោងតាមសេចក្តីរាយការណ៍របស់ Reuters។ ការវាយប្រហារកើតឡើងនៅពេលប្រជាជនកំពុងប្រារព្ធថ្ងៃឈប់ សម្រាក Nawruz ដែលជាថ្ងៃចាប់ផ្តើមឆ្នាំថ្មី Persian។ នៅដើមខែនេះ មេបញ្ជាការកំពូលសហរដ្ឋអាមេរិកលោក John Nicholson មានប្រសាសន៍ថា កិច្ចការពារសុវត្ថិភាពក្នុងក្រុងកាប៊ុលនឹងក្លាយជាកិច្ចប្រឹងប្រែងដ៏សំខានសម្រាប់អំណាចអន្តរជាតិក្នុងការជួយដល់កម្លាំងការពារជាតិ និងសន្តិសុខរបស់ប្រទេសអាហ្វហ្គានីស្ថាន៕
