ប្រភពព័ត៌មានពី Tass ចេញផ្សាយថ្ងៃទី០៥ ខែកក្កដា ឆ្នាំ២០១៨
របាយការណ៍បេសកកម្មក្រុមឃ្លាំមើលសិទិ្ធមនុស្សរបស់អង្គការសហប្រជាជាតិបង្ហាញអំពីការវាយប្រហារចំនួន២១ករណី លើអ្នកសារព័ត៌មាននៅប្រទេសអ៊ុយក្រែនឆ្នាំនេះ ក៏ដូចជាឧប្បត្តិហេតុចំនួន៧១លើក ចំពោះការទប់ស្កាត់សេរីភាពក្នុងការបញ្ចេញមតិ នេះយោងបើតាមប្រភពព័ត៌មានពីតំណាងអចិន្រ្តៃយ៍ប្រទេសរុស្ស៊ីប្រចាំនៅ (OSCE) លោក Alexander Lukashevich ប្រាប់សម័យអង្គប្រជុំក្រុមប្រឹក្សាអចិន្ត្រៃយ៍នៅទីក្រុងVienna នៅថ្ងៃព្រហស្បតិ៍។
លោកលើកឡើងពីការជំទាស់គោលនយោបាយអាជ្ញាធរ Maidan ប្រទេសអ៊ុយក្រែនត្រូវគេបង្ក្រាបដោយចៀសមិនរួច ហើយទីក្រុង Kiev ក៏មិនអត់ធ្មត់ជាពិសេសចំពោះអ្នកសារព័ត៌មានឯករាជ្យ។
យោងតាមប្រភពរបាយការណ៍អង្គការសហប្រជាជាតិឃ្លាំមើលសិទិ្ធមនុស្សបង្ហាញឲ្យដឹងថា ឧប្បត្តិហេតុនៃការវាយប្រហារលើប្រព័ន្ធផ្សព្វផ្សាយចំនួន២១កើតឡើងនៅឆ្នាំ២០១៨ និង ៧១ ករណីលើការបង្ក្រាបលើករណីសេរីភាពក្នុងបញ្ចេញមតិនៅប្រទេសអ៊ុយក្រែន។ នៅថ្ងៃទី២៦ ខែមិថុនា អាជ្ញាធរប្រទេសអ៊ុយក្រែននិរទេសអ្នកកាសែតរុស្សី Yevgeny Primakov និង Paula Slier ចេញពីប្រទេសចំនួន០៥ឆ្នាំ និងហាមឃាត់ពួកគេមិនឲ្យចូលរួមសន្និសិទស្តីពីសេរីភាព និងពហុប្រព័ន្ធផ្សព្វផ្សាយ។
លោក Lukashevich សង្កត់ធ្ងន់ថា អ្នកសារព័ត៌មាន Kirill Vyshinskyនៅតែហាមឃាត់នៅឡើយសម្រាប់សកម្មភាពវិជ្ជាជីវៈរបស់គាត់។ របាយការណ៍អង្គការសហប្រជាជាតិទទួលបន្ទុកសិទិ្ធមនុស្សបញ្ជាក់ឱ្យដឹងនៅចុងខែមិថុនាថា ចំនួនវាយប្រហារលើអ្នកព័ត៌មានកំពុងកើនឡើង។ ភ្នាក់ងារសន្តិសុខអឺរ៉ុប (OSCE) ព្រួយបារម្ភអំពីស្ថានការណ៍រារាំងសេរីភាពសារព័ត៌មាននៅប្រទេសនោះ។ 
