ប្រភពព័ត៌មានពី TASS ចេញផ្សាយថ្ងៃទី០៥ ខែកក្កដា ឆ្នាំ២០១៨
យោងតាមប្រភពព័ត៌មានពីក្រសួងការពារជាតិស៊ែប៊ីលោក Aleksandar Vulin បដិសេធចំពោះរបាយការណ៍នៅថ្ងៃព្រហស្បតិ៍ លើកឡើងថាប្រទេសរបស់លោកគ្រោងទិញប្រព័ន្ធមីស៊ីល S-3០០ ពីប្រទេសរុស្ស៊ី។
រដ្ឋមន្ត្រីរូបនេះមានប្រសាសន៍ថា ប្រទេសស៊ែប៊ីមានកិច្ចសហប្រតិបត្តិការខ្ពស់ជាមួយប្រទេសរុស្ស៊ី ប៉ុន្តែព័ត៌មានស្តីពីការទិញប្រព័ន្ធ S-3០០ គឺមិនមែនជាការពិតនោះទេ។
ប្រភពយោធា និងទូតប្រាប់ភ្នាក់ងារព័ត៌មាន TASS នៅថ្ងៃពុធថា ប្រទេសរុស្ស៊ីទទួលសំណើរផ្លូវការពីប្រទេសស៊ែប៊ីអំពីការផ្គត់ផ្គង់ប្រព័ន្ធមីស៊ីល S-3០០ PMU-2 នៅឆ្នាំ២០២១។
នាយករដ្ឋមន្ត្រីស៊ែប៊ីលោក Alexander Vucic ធ្លាប់មានប្រសាសន៍នៅខែមេសា ឆ្នាំ២០១៧ ថា ប្រទេសរបស់លោកត្រូវមានកងវរសេនាតូចពីរកង និងប្រព័ន្ធមីស៊ីល S-3០០ Favorit ។ លោកក៏ធ្លាប់លើកឡើងថាប្រព័ន្ធ S-3០០ មានតម្លៃថ្លៃសម្រាប់ប្រទេសស៊ែប៊ី ប៉ុន្តែប្រទេសរុស្ស៊ីបង្ហាញបំណងរបស់ខ្លួនដើម្បីជួយតាមរយៈកិច្ចព្រមព្រៀងមួយចំនួន។
