ប្រភពព័ត៌មានពី Reuters ចេញផ្សាយថ្ងៃទី២២ ខែសីហា ឆ្នាំ២០១៨
យោងតាមរយៈការថតសំឡេងផ្សាយលើបណ្តាញសារព័ត៌មានរបស់ក្រុមភេវរករបញ្ជាក់ឱ្យដឹងថា មេដឹកនាំរដ្ឋអ៊ីស្លាម Abu Bakr al-Baghdadi សុន្ទករថាលើកដំបូងអំពាវនាវឱ្យអ្នកគាំទ្របន្តប្រយុទ្ធប្រឆាំងបើទោះបីជាមានការបរាជ័យនាពេលថ្មីៗនេះក៏ដោយ។
សេចក្តីថ្លែងការណ៍រយៈពេល៥៥នាទី លោក Baghdadi ធ្វើការអបអរសាទរលើជាការវាយប្រហារថ្មីៗកន្លងនេះក្នុងប្រទេសកាណាដា និងអឺរ៉ុប។ លោកអំពាវនាវឱ្យអ្នកគាំទ្រប្រើគ្រាប់បែក ប្រើកាំបិត ឬរថយន្តដើម្បីធ្វើការវាយប្រហារ។
លោក Baghdadi ថែមទាំងផ្តល់ការគោរពដល់ក្រុមមូស្លីមសម្រាប់ពិធីបុណ្យ Eid al -Adha ប្រារព្ធនៅសប្តាហ៍នេះ ដោយបង្ហាញសារនេះទើបតែត្រូវគេថតពេលថ្មីៗនេះ។ លោក Baghdadi និយាយជាភាសាអារ៉ាប់ថា សម្រាប់ Mujahideen (អ្នកចម្បាំងដ៏ពិសិដ្ឋ) ទំហំនៃជ័យជម្នះ ឬការបរាជ័យមិនមែនពឹងផ្អែកលើការកំណត់គោលដៅវាយប្រហារនៅប្រទេស ឬទីក្រុងនោះទេ គឺអាស្រ័យលើប្រើយន្តហោះចម្បាំង បាញ់មីស៊ីលឆ្លងទ្វីប និងប្រើគ្រាប់បែកដ៏ឆ្លាតវៃ ។
លោកបន្ថែមថា ពួកទាហាន Caliphate ជឿទុកចិត្តលើការសន្យារបស់ព្រះ និងជ័យជំនះរបស់ទ្រង់ដោយសារភាពលំបាកនាំមកនូវភាពធូរស្បើយ និងផ្លូវចេញ។ ភ្នាក់ងារព័ត៌មាន Reuters មិនអាចផ្ទៀងផ្ទាត់បានទេថាសំលេងដែលថតនេះគឺជាសំឡេងរបស់ Baghdadi។
ឆ្នាំមុន រដ្ឋអ៊ីស្លាមគ្រប់គ្រងតំបន់ធំៗក្នុងប្រទេសស៊ីរី និងអ៊ីរ៉ាក់ ក្រោយមកសម្ព័ន្ធមិត្តអន្តរជាតិនៅក្នុងប្រទេសទាំង២បណ្តេញពួកគេដល់តំបន់វាលខ្សាច់។
