ប្រភពព័ត៌មានពី Reuters ចេញផ្សាយថ្ងៃទី២៨ ខែសីហា ឆ្នាំ២០១៨
អ្នកនាំពាក្យលោកស្រី Angela Merkel និយាយថា មេដឹកនាំប្រទេសអាឡឺម៉ង់ និងសហរដ្ឋអាមេរិក ចែករំលែកក្តីព្រួយបារម្ភអំពីការវិវឌ្ឍន៍ក្នុងប្រទេសស៊ីរីជាពិសេសស្ថានភាពមនុស្សធម៌នៅក្នុងតំបន់ជុំវិញខេត្ត Idlib ។
លោក Steffen Seibert ថ្លែងក្នុងសេចក្តីថ្លែងការណ៍មួយនៅល្ងាចថ្ងៃចន្ទថា ប្រទេសរុស្ស៊ីអំពាវនាវឱ្យចាត់វិធានការណ៍សម្របសម្រួលលើរដ្ឋាភិបាលស៊ីរី និងទប់ស្កាត់ជម្លោះ។ លោក Seibert ថ្លែងថា មេដឹកនាំទាំងពីរជជែកគ្នាអំពីប្រទេសអ៊ុយក្រែននៅតំបន់ភាគបូព៌ា Balkans និងសង្រ្គាមពាណិជ្ជកម្មដោយលោកពុំបានបញ្ជាក់ពីព័ត៌មានលម្អិត។
រដ្ឋាភិបាលលោកប្រធានាធិបតី Bashar al-Assad គាំទ្រដោយក្រុងម៉ូស្គូនិយាយថា ខ្លួនមានគោលបំណងដើម្បីដណ្តើមយកតំបន់បណ្តោះអាសន្នដែលគ្រប់គ្រងដោយឧទ្ទាមនៅខេត្ត Idlib ភាគខាងជើងប្រទេសស៊ីរី។ ទីនោះជាជំរកជនស៊ីវិល និងពួកឧទ្ទាមដែលផ្លាស់ប្តូរទីលំនៅពីតំបន់ដទៃទៀតនៃប្រទេសស៊ីរី ហើយក្នុងនោះក៏មានកងកម្លាំងជីហាដដែរ។
ក្នុងខែនេះ តំបន់នោះរងការវាយប្រហារតាមអាកាស និងបាញ់ផ្លោងដោយការវាយប្រហាររបស់រដ្ឋាភិបាលទ្រង់ទ្រាយធំមួយ។ លោកស្រី Merkel លើកឡើងពីការព្រួយបារម្ភអំពីស្ថានភាពក្នុងខេត្ត Idlib នៅកិច្ចប្រជុំមួយជាមួយប្រធានាធិបតីរុស្ស៊ីនៅរយៈពេលជាងមួយសប្តាហ៍មុន។
កាលពីថ្ងៃសុក្រ រដ្ឋមន្ត្រីការបរទេសតួកគីមានប្រសាសន៍ថា នឹងមានមហន្តរាយក្នុងការស្វែងរកដំណោះស្រាយយោធាក្នុងតំបន់។ ប្រទេសតួកគីដែលគាំទ្រក្រុមឧទ្ទាមនៅទីនោះកំពុងព្យាយាមបញ្ចៀសការវាយប្រហារដែលធ្វើឡើងដោយកងកម្លាំងដែលស្មោះត្រង់នឹងលោក al-Assad ។
