ប្រភពព័ត៌មានពី TASS ចេញផ្សាយថ្ងៃទី០៣ ខែកញ្ញា ឆ្នាំ២០១៨
រដ្ឋមន្ត្រីការបរទេសបារាំងលោក Jean-Yves Le Drian ធ្វើអត្ថាធិប្បាយអំពីស្ថានការណ៍ក្នុងប្រទេសស៊ីរីដោយអះអាងថាលោកប្រធានាធិបតីអាសាដឈ្នះសង្គ្រាម ប៉ុន្តែទទួលបរាជ័យក្នុងការការពារសន្តិភាពក្នុងតំបន់។
លោក Le Drian កត់សម្គាល់ផងដែរថា ប្រទេសបារាំងកំពុងធ្វើការជាមួយក្រុម Astana (ប្រទេសរុស្ស៊ី អ៊ីរ៉ង់និងតួកគីជាប្រទេសធានាអំណាចដំណើរការ Astana ) ដើម្បីការពារការបង្ហូរឈាម និងស្វែងរកដំណោះស្រាយជម្លោះនយោបាយ។ លោកប្រាប់វិទ្យុបារាំង Inter ថាវាជាកត្តាចាំបាច់ណាស់ក្នុងការទប់ស្កាត់មហន្តរាយមនុស្សធម៌ដែលនឹងធ្វើឱ្យខូចកេរ្តិ៍ឈ្មោះប្រទេសរុស្ស៊ី និងតួកគី។ ក្នុងព្រឹត្តិការណ៍ប៉ះទង្គិចគ្នារវាងយោធានៅខេត្ត Idlib
ទំហំនៃមហន្តរាយនៅក្រុង Aleppo អាចថយវិញ។
យោងតាមប្រភពព័ត៌មានពីរដ្ឋមន្រ្តីក្រសួងមហាផ្ទៃបញ្ចាក់ឱ្យដឹងថា មនុស្សប្រហែលជា៨០០.០០០នាក់អាចចាកចេញពីលំនៅដ្ឋានរបស់ពួកគេក្នុងខេត្ត Idlib ក្នុងករណីមានអស្ថេរភាព។
លោក Le Drian បន្ថែមថា ប្រទេសរុស្ស៊ីចាប់អារម្មណ៍ក្នុងការស្វែងរកដំណោះស្រាយនយោបាយចំពោះស្ថានភាពនៅខេត្ត Idlib ផងដែរពីព្រោះវាមិនចង់ឱ្យមានការអូសទាញចូលទៅក្នុងជម្លោះរយៈពេលវែងដែលជាវិធីដែលកើតឡើងក្នុងប្រទេសអាហ្វហ្គានីស្ថាន។
នៅថ្ងៃពុធ អ្នកការទូតបារាំងជាន់ខ្ពស់បញ្ជាក់ពីសារៈសំខាន់នៃកិច្ចពិភាក្សាប្រកបដោយភាពស្ថាបនាជាមួយប្រទេសរុស្ស៊ី និងតួកគីលើការតាំងទីលំនៅដោយសន្តិភាពក្នុងប្រទេសស៊ីរី។ លោកបញ្ជាក់ថាកំណែទម្រង់រដ្ឋធម្មនុញ្ញក្នុងប្រទេសដែលនឹងធានាស្ថានភាពអព្យាក្រឹត្យក្នុងអំឡុងការរៀបចំសម្រាប់ការបោះឆ្នោតអាចពន្លឿនចលនាឆ្ពោះទៅរកសន្តិភាព និងការដកកងកម្លាំងប្រដាប់អាវុធបរទេសចេញពីស៊ីរី។
