ប្រភពព័ត៌មានពី TASS ចេញផ្សាយថ្ងៃទី០៣ ខែសីហា ឆ្នាំ២០១៨
ក្រុមសកម្មប្រយុទ្ធរដ្ឋអ៊ីស្លាម និងក្រុមអាល់កៃដា អាចបង្កើតក្រុមភេរវករដ៏ធំមួយថ្មី។ ក្រុមនោះអាចមានសក្តានុពលបំផ្លិចបំផ្លាញយ៉ាងខ្លាំង។ អនុប្រធានទីមួយនៃសេវាកម្មស៊ើបការណ៍បរទេសរុស្ស៊ី Sergei Kozhev លើកឡើងនៅថ្ងៃចន្ទ។
លោក Kozhetev ជាប្រធានមជ្ឈមណ្ឌលប្រឆាំងភេរវកម្មមានប្រសាសន៍ថា ការប្រកួតប្រជែងថ្មីជាសកលអាចមានសម្ព័ន្ធភាពរបស់ក្រុម IS និងក្រុមអាល់កៃដា។ លោកបន្តថា ការបង្រួបបង្រួមនៃអង្គភាពភេរវកម្មទាំងនេះអាចនាំទៅដល់ការបង្កើតភេរវករកូនកាត់។
លោកបន្ថែមថា ក្រុមនេះមានធនធានដ៏មានសក្តានុពល និងការបំផ្លិចបំផ្លាញធ្ងន់ធ្ងរ។ មន្ត្រីរូបនេះថ្លែងក្នុងសន្និសិទមួយស្តីពីការទប់ស្កាត់ការផ្គត់ផ្គង់សព្វាវុធខុសច្បាប់ក្នុងបរិបទនៃការប្រយុទ្ធប្រឆាំងនឹងភេរវកម្មអន្តរជាតិនៅទីក្រុងម៉ូស្គូដែលបានចាប់ផ្តើមនៅថ្ងៃចន្ទ។
ព្រឹត្តិការណ៍រយៈពេលពីរថ្ងៃនេះត្រូវប្រារព្ធឡើងដើម្បីឧទ្ទិសដល់ទិវាសាមគ្គីភាពក្នុងការប្រយុទ្ធប្រឆាំងនឹងភេរវកម្ម ដោយកំណត់ធ្វើក្នុងប្រទេសរុស្ស៊ីនៅថ្ងៃទី០៣ ខែកញ្ញា។
