ប្រភពព័ត៌មានTASS ផ្សាយថ្ងៃទី១៨ ខែកញ្ញា ឆ្នាំ២០១៨
មន្ត្រីក្រសួងការពារជាតិរុស្ស៊ីប្រាប់អ្នកយកព័ត៌មាននៅពីថ្ងៃអង្គារថា យន្តហោះយោធា Il-20 របស់រុស្ស៊ីដែលមានអ្នកបំរើចំនួន១៤ នាក់បាត់ខ្លួនលើសមុទ្រមេឌីទែរ៉ា ណេ។ មន្ត្រីរូបនោះនិយាយថា យន្តហោះនោះហោះចេញពីរ៉ាដាហើយយន្តហោះចម្បាំង F-16 របស់កងកម្លាំងអាកាសអ៊ីស្រាអែល វាយប្រហារលើគោលដៅក្នុងខេត្ត Latakia នៃប្រទេសស៊ីរី។
យោងតាមប្រភពព័ត៌មានពីមន្រ្តីបញ្ចាក់ឱ្យដឹងថា នៅថ្ងៃទី១៧ ខែកញ្ញា នៅវេលាម៉ោងប្រហែល ១១ ព្រឹកក្នុងទីក្រុងមូស្គូ ទំនាក់ជាមួយនាវិករបស់យន្ដហោះ Il-20 របស់រុស្ស៊ី បាត់បង់នៅលើសមុទ្រមេឌីទែរ៉ាណេនៅពេលដែលយន្ដហោះវិលត្រឡប់ទៅកាន់អាកាសយានដ្ឋាន Khmeimim ដែលមានចម្ងាយ ៣៥ គីឡូម៉ែត្រពីឆ្នេរសមុទ្រប្រទេសស៊ីរី។
ក្រសួងបញ្ជាក់ថា សញ្ញារបស់យន្តហោះ IL-20 បាត់ពីរ៉ាដា ក្នុងអំឡុងមានការវាយប្រហារ ពីយន្តហោះ F-16 របស់ប្រទេសអ៊ីស្រាអែលចំនួន ០៤ គ្រឿងលើគោលដៅក្នុងប្រទេស ស៊ីរីនៅខេត្ត Latakia។ ក្រសួងការពារជាតិនិយាយថា ក្នុងពេលជាមួយគ្នានោះរ៉ាដារបស់ ប្រទេសរុស្ស៊ីបាញ់មីស៊ីលចេញពីនាវាចម្បាំងបារាំង Auvergne ដែលស្ថិតក្នុងតំបន់នោះ។
មន្រ្តីរូបនេះបញ្ជាក់ផងដែរថា មានអ្នកបម្រើចំនួន១៤ នាក់ស្ថិតនៅលើយន្ដហោះ ហើយមិន ដឹងថា វាសនារបស់ពួកគេយ៉ាងណានោះទេទេ។ បញ្ជាការនៃមូលដ្ឋានអាកាសរបស់រុស្ស៊ី នៅក្រុង Khmeimim ចាប់ផ្ដើមប្រតិបត្តិការស្វែងរក និងសង្គ្រោះ។
