ប្រភពព័ត៌មានពី TASS ចេញផ្សាយនៅថ្ងៃទី១៧ ខែកញ្ញា ឆ្នាំ២០១៨
រដ្ឋមន្ត្រីការពារជាតិរុស្ស៊ី Sergei Shoigu ប្រាប់អ្នកកាសែតនៅថ្ងៃចន្ទថា ប្រតិបត្តិការយោធាថ្មីមួយក្នុងខេត្តអ៊ីដលីប (Idlib) របស់ស៊ីរីមិនមាននៅក្នុងរបៀបវារៈទេ។ ក្រសួងការពារជាតិនៃប្រទេសរុស្ស៊ី និងទួគីចុះហត្ថលេខាលើអនុស្សរណៈមួយនៅថ្ងៃចន្ទ ស្តីពីស្ថេរភាពនៃស្ថានភាពនៅតំបន់សុវត្ថិភាពក្នុងខេត្តអ៊ីដលីប។
ឯកសារនេះត្រូវគេចុះ ហត្ថលេខា ក្រោយពីមានកិច្ចចរចាទ្វេភាគីរវាងប្រធានាធិបតីរុស្ស៊ី Vladimir Putin និងសមភាគីរបស់លោកគឺលោក Recep Tayyip Erdogan ដែលប្រព្រឹត្តទៅនៅថ្ងៃចន្ទក្នុង ទីក្រុងរមណីយដ្ឋានភាគខាងត្បូងនៃក្រុងសូជី។
អ្នកកាសែតសួរថា តើវាជាការពិតទេដែលថាគ្មានប្រតិបត្ដិការយោធាណាមួយត្រូវគេគ្រោង ធ្វើនៅខេត្តអ៊ីដលីបនោះ ទេសរដ្ឋមន្ត្រីក្រសួងការពារជាតិរបស់រុស្ស៊ីមានប្រសាសន៍ថា មែនហើយវាជាការពិត ។ លោក Shoigu ថ្លែងថា ក្នុងប៉ុន្មានម៉ោងខាងមុខ លោកគ្រោងធ្វើកិច្ច ព្រមព្រៀងចុងក្រោយជាមួយពួកគេ [ភាគីតួកគី] លើបទប្បញ្ញត្តិដែលនៅសល់ ដែលមានចែង រួចក្នុងឯកសារនោះ។
មុនពេលអនុស្សរណៈត្រូវក្រសួងការពារជាតិប្រទេសរុស្ស៊ី និងទួគីចុះហត្ថលេខា លោកប្រធានាធិបតីរុស្ស៊ីពូទីន ថ្លែងថា លោកយល់ព្រមជាមួយមេដឹកនាំទួគីលោក Erdogan ដើម្បីបង្កើតតំបន់គ្មានយោធាដែលមានចម្ងាយ ១៥-២០ គីឡូម៉ែត្រតាមបណ្តោយបន្ទាត់ទំនាក់ទំនងរវាងកងទ័ពរដ្ឋាភិបាលស៊ីរី និងក្រុមប្រឆាំងប្រដាប់អាវុធនៅថ្ងៃទី១៥ ខែតុលា។
