ប្រភពព័ត៌មានពី RT ចេញផ្សាយថ្ងៃទី០១ ខែតុលា ឆ្នាំ២០១៨
ប៉ូលិសអាឡឺម៉ង់ចាប់ខ្លួនសមាជិកឆ្វេងនិយមជាច្រើនដែលធ្វើការវាយប្រហារលើជនអន្តោប្រវេសន៍ និងមនុស្ស ដែលមានទស្សនៈនយោបាយខុសៗគ្នានៅថ្ងៃខួបនៃការបង្រួបបង្រួមប្រទេសអាឡឺម៉ង់នៅឆ្នាំ១៩៩០ ។
នៅរយៈពេលប៉ុន្មានសប្តាហ៍ក្រោយពីអំពើហិង្សាផ្ទុះឡើងនៅទីក្រុង Chemnitz នៃប្រទេសអាឡឺម៉ង់ខាងកើតប៉ូលិសឃាត់ខ្លួនបុរសវ័យក្មេងចំនួន៦ នាក់ដែលមានអាយុពី២០ ទៅ ៣០ ឆ្នាំ នេះបើតាមប្រភពពីការិយាល័យព្រះរាជអាជ្ញាសហព័ន្ធ (GBA)។ គេនិយាយថា ជនសង្ស័យជាសមាជិកនៃអំពើរភេរវកម្មហៅថា បដិវត្ត Chemnitz។
ក្រុមប៉ូលិសចេញចាប់ខ្លួនភេរវករនីក្នុងទីតាំងផ្សេងគ្នានៅទូទាំងសាហ្សូនី និងទីក្រុងបាវ៉ារៀ។ ក្រុមព្រះរាជអាជ្ញានិយាយថា ពួកគេគ្រោងនឹងធ្វើការវាយប្រហារដោយហិង្សានិងប្រដាប់អាវុធប្រឆាំងនឹងជនបរទេសនិងសត្រូវនយោបាយនៅក្នុងការប៉ុនប៉ងផ្តួលរំលំរបបប្រជាធិបតេយ្យរបស់ប្រទេសអាឡឺម៉ង់។
បដិវត្តន៍ Chemnitz ជាគម្រោងបើកការវាយប្រហាររបស់ពួកគេនៅថ្ងៃទិវាឯកភាពអាឡឺម៉ង់នៅថ្ងៃទី៣ ខែតុលា។ ក្រុមជ្រុលនិយមចំនួន៥ នាក់ ត្រូវគេកំណត់អត្តសញ្ញាណដូចជា Sten E, Christian K, Martin H, Marcel W និង Sven W ធ្វើការវាយប្រហារលើជនបរទេសជាច្រើននាក់នៅ Chemnitz ជាមួយនឹងដប និងឧបករណ៍អេឡិចត្រូនិច។ សេចក្តីថ្លែងការណ៍របស់ព្រះរាជអាជ្ញាចោទប្រកាន់ថានេះគ្រាន់តែជាការប្រឡងសាកល្បងរបស់ពួកគេប៉ុណ្ណោះសម្រាប់ការវាយប្រហារថ្ងៃទី៣ ខែតុលា។
