ប្រភពព័ត៌មានReuters ផ្សាយថ្ងៃទី១២ ខែតុលា ឆ្នាំ២០១៨
ប្រទេសអ៊ីស្រាអែល ស៊ីរី និងអង្គការសហប្រជាជាតិយល់ព្រមបើកច្រកឆ្លងកាត់ Quneitra នៅតំបន់ Golan Heights នៅថ្ងៃចន្ទ នេះបើយោងតាមប្រសាសន៍ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិលោកស្រី Nikki Haley ថ្លែងនៅថ្ងៃសុក្រ។
លោកស្រី Haley មានប្រសាសន៍ក្នុងសេចក្តីថ្លែងការណ៍មួយថា ការបើកច្រក នឹងអនុញ្ញាតឱ្យកងកម្លាំងរក្សាសន្តិភាពរបស់អង្គការសហប្រជាជាតិបង្កើនការខិតខំប្រឹងប្រែងរបស់ខ្លួនដើម្បីទប់ស្កាត់អរិភាព ក្នុងតំបន់Golan Heights ។
កងកម្លាំងឃ្លាំមើលការបណ្ដេញចេញរបស់អង្គការសហប្រជាជាតិ (UNDOF) កំពុងត្រួតពិនិត្យប្រតិបត្តិការនៅតំបន់គ្មានយោធាដែលគេបង្កើតឡើងនៅឆ្នាំ១៩៧៤រវាងតំបន់ Golan ដែលអ៊ីស្រាអែលកំពុងតែកាន់កាប់និងស៊ីរីប៉ុន្តែបេសកកម្មរក្សាសន្តិភាពត្រូវសង្រ្គាមស៊ីវិលស៊ីរីបង្អាក់។ អ៊ីស្រាអែលកាន់កាប់តំបន់ Golan ក្នុងសង្គ្រាមបូព៌ាឆ្នាំ១៩៦៧ និងច្បាំងជាមួយប្រទេសស៊ីរីម្តងទៀតនៅខ្ពង់រាបជាយុទ្ធសាស្រ្តក្នុងជម្លោះឆ្នាំ១៩៧៣ ។
លោកស្រី Haley មានប្រសាសន៍ថា មើលទៅប្រទេសអ៊ីស្រាអែលនិងប្រទេសស៊ីរីដែលអនុញ្ញាតឱ្យកងរក្សាសន្តិភាពអង្គការសហប្រជាជាតិធ្វើការធានាសុវត្ថិភាពរបស់ពួកគេ។ លោកក៏អំពាវនាវឱ្យប្រទេសស៊ីរីចាត់វិធានការចាំបាច់ផងដែរ ដូច្នេះ UNDOF អាចដាក់ពង្រាយ និងប្រតិបត្តិការល្បាតដោយសុវត្ថិភាពដោយគ្មានការជ្រៀតជ្រែក។ ប៉ូលិសយោធាមកពីប្រទេសរុស្ស៊ីដែលជាសម្ព័ន្ធមិត្តសំខាន់របស់ប្រធានាធិបតីស៊ីរីលោក Bashar al-Assad ដើរល្បាតផ្នែកភាគីស៊ីរីនៅ Quneitra ។
