ប្រភពព័ត៌មានពី RT ចេញផ្សាយថ្ងៃទី៦ ខែធ្នូ ឆ្នាំ២០១៨
រថយន្តបំផ្ទុះគ្រាប់បែកមួយគ្រឿងនៅក្បែរស្នងការប៉ូលិសនៅទីក្រុង កំពង់ផែ Chabahar របស់ប្រទេសអ៊ីរ៉ង់ ដែលសម្លាប់មនុស្សចំនួន៤នាក់ និងធ្វើឱ្យមនុស្សជាច្រើនរងរបួស។ ក្រុមឧទ្ទាម Al-Nusra ដែលមានទំនាក់ទំនងជាមួយក្រុមសកម្មប្រយុទ្ធអះអាងទទួលខុសត្រូវចំពោះការផ្ទុះអត្ដឃាតនេះ។
ប្រព័ន្ធផ្សព្វផ្សាយអ៊ីរ៉ង់រាយការណ៍ថា អ្នកវាយប្រហារកំពុងដឹកគ្រឿងផ្ទុះនៅក្នុងរថយន្តដឹកទំនិញរបស់ក្រុមហ៊ុននីសាន់ហើយរៀបចំផែនការបំផ្ទុះលើប៉ូលិស។ ទោះជាយ៉ាងណា ក្រោយពីគាត់ត្រូវគេបញ្ឈប់នៅឯទីស្នាក់ការប៉ូលិស គាត់ក៏បានបំផ្ទុះខ្លួនឯង។
អភិបាលខេត្ត Sistan និងខេត្ត Baluchestan ប្រាប់ បណ្តាញព័ត៌មានក្នុងតំបន់ Tasnim ថាចំនួនអ្នកស្លាប់ក្នុងការបំផ្ទុះនេះកើនដល់ ៤នាក់ខណៈដែលមនុស្សជាច្រើនទៀតរងរបួស។ ប្រព័ន្ធផ្សព្វផ្សាយក្នុងស្រុកនិយាយថា ស្ត្រីនិងកុមារស្ថិតក្នុងចំណោមអ្នករងរបួស។
Ansar Al-Furqan ដែលជាក្រុមសកម្មប្រយុទ្ធស៊ុននីដែលទំនាក់ទំនងទៅនឹងក្រុមភេរវក Al-Nusra ត្រូវគេរាយការណ៍ថា ពួកគេអះអាងទទួលខុសត្រូវចំពោះការវាយប្រហារនេះ។ រដ្ឋមន្ត្រីការបរទេសអ៊ីរ៉ង់លោក Javad Zarif វាយប្រហារទៅលើក្រុមភេរវករដែលគាំទ្រដោយបរទេសដោយមានប្រសាសន៍ថា Tehran នឹងនាំភេរវករ និងចៅហ្វាយរបស់ខ្លួនទៅរកយុត្តិធម៌។
