ប្រភពព័ត៌មានពី TASS ចេញផ្សាយថ្ងៃទី៤ ខែមករា ឆ្នាំ២០១៩
ទីភ្នាក់ងារព័ត៌មាន SANA រាយការណ៍នៅថ្ងៃព្រហស្បតិ៍ថា មនុស្សចំនួន១១នាក់ត្រូវសម្លាប់ ដោយសារការវាយប្រហារក្រុមចម្រុះជាតិ និងអន្តរជាតិលើលំនៅឋានក្នុងខេត្ត Deir ez-Zor ប្រទេសស៊ីរី។
គេរាយការណ៍ថា មនុស្សទាំងអស់ត្រូវសម្លាប់ជាសមាជិកគ្រួសារមួយ។ សម្ព័ន្ធមិត្តអន្តរជាតិប្រឆាំងនឹងក្រុមភេរវករ IS បង្កើតឡើងតាមគំនិតផ្តួចផ្តើមរបស់សហរដ្ឋអាមេរិកក្នុងអំឡុងពេលមានកិច្ចប្រជុំកំពូលណាតូដែលធ្វើឡើងនៅថ្ងៃទី៤-៥ ខែកញ្ញាឆ្នាំ២០១៤ នៅក្នុងរដ្ឋ Wales ប្រទេសអង់គ្លេស។
យោងតាមប្រភពទិន្នន័យផ្លូវការ(របាយការណ៍ប្រចាំខែរបស់ទីស្នាក់ការកណ្តាលរបស់ក្រុមចម្រុះគិតត្រឹមខែធ្នូឆ្នាំ២០១៨) បង្ហាញថា យ៉ាងហោចណាស់មានជនស៊ីវិលចំនួន ១ ១៣៩ នាក់ត្រូវគេសម្លាប់ក្នុងប្រទេសអ៊ីរ៉ាក់ និងប្រទេសស៊ីរីដែលជាលទ្ធផលនៃការវាយប្រហារ របស់ក្រុមចម្រុះចាប់តាំងពីរដូវក្តៅឆ្នាំ២០១៤ ។
នៅថ្ងៃទី១៩ ខែធ្នូឆ្នាំ២០១៨ ប្រធានាធិបតីអាមេរិក លោក Donald Trump ប្រកាសថា សហរដ្ឋអាមេរិកនឹងដកកងទ័ពរបស់ខ្លួនចេញពីប្រទេសស៊ីរីដោយអះអាងថា កងកម្លាំង IS ក្នុងប្រទេសស៊ីរីទទួលបរាជ័យ ដោយការកម្ចាត់ឧទ្ទាមគឺជាហេតុផលតែមួយគត់សម្រាប់ វត្តមានរបស់សហរដ្ឋអាមេរិកនៅក្នុងតំបន់។
![](https://i0.wp.com/www.cdn.nctc.gov.kh/2019/01/ា-9.jpg?resize=438%2C249&ssl=1)