ប្រភពព័ត៌មានពី Asahi ចេញផ្សាយថ្ងៃទី៤ ខែមករា ឆ្នាំ២០១៨
ប៉ូលិសនិយាយថាមន្រ្តីប៉ូលិសជាន់ខ្ពស់ម្នាក់ដែលកំពុងបំពេញការងារនៅក្នុងទីក្រុងតូក្យូនៅពេលដែលអ្នកបើកបរម្នាក់បើកឡានបុកអ្នកថ្មើរជើងនៅថ្ងៃចូលឆ្នាំថ្មីស្លាប់ដោយសារតែគ្រាប់កាំភ្លើងផ្លើងត្រូវចំក្បាល។
មិត្តរួមការងារម្នាក់រកឃើញថាលោក Kazuo Nakano អាយុ៣៦ឆ្នាំជាអ្នកត្រួតពិនិត្យម្នាក់ហូរឈាមពីក្បាលនៅក្នុងឃ្លាំងមួយនៅជាន់ក្រោម នៅឯស្ថានីយ៍ប៉ូលីស Harajuku ក្នុងសង្កាត់ Shibuya នៅទីក្រុងតូក្យូ វេលាម៉ោង១០យប់ ថ្ងៃទី២ ខែមករា។
គ្រាប់កាំភ្លើងត្រូវគេរកឃើញនៅជិតដៃស្តាំរបស់គាត់។ ការស្លាប់នេះត្រូវបញ្ជាក់នៅមន្ទីរពេទ្យមួយ។ មន្ត្រីនៅស្ថានីយ៍ប៉ូលិសនិយាយថា លោកណាកាណូទំនងជាធ្វើអត្តឃាត។
លោក Toshio Sakabayashi ប្រធានស្ថានីយ៍ប៉ូលីស ក្រុង ហារយូគូ បាននិយាយថា វាពិតជាគួរឱ្យសោកស្តាយណាស់។ យើងនឹងប្រឹង ប្រែងរារាំងការកើតឡើងវិញដោយបញ្ជាក់ពីអ្វីដែលបានកើតឡើង។
មន្រ្តីបាននិយាយថា លោក ណាកូណូ ដែលជាបុគ្គលិកជាន់ខ្ពស់ផ្នែកចរាចរណ៍របស់ស្ថានីយនេះកំពុងបំពេញកាតព្វកិច្ចចាប់ពីម៉ោង ៨:៣០ ព្រឹក នៅថ្ងៃទី២ ខែមករា ដល់ម៉ោង៩និង៣០ នាទីព្រឹក នៅថ្ងៃបន្ទាប់។
កាលពីមុនគាត់បានធ្វើការនៅទីលានចាប់ពីល្ងាចថ្ងៃទី៣១ ខែធ្នូ រហូតដល់ព្រឹក ថ្ងៃទី១ ខែមករា។
ក្នុងអំឡុងពេលនៃការផ្លាស់ប្តូរនោះនៅម៉ោងប្រហែល១២និង១០នាទីព្រឹក អ្នកបើកបរនៅលើផ្លូវ Takeshita ម្នាក់ បានធ្វើឱ្យមនុស្ស៨នាក់ រងរបួស រួមទាំងជនរងគ្រោះម្នាក់ដែលឥឡូវនេះស្ថិតនៅក្នុងស្ថានភាពធ្ងន់ធ្ងរ។
ផ្លូវដើរផ្សារដ៏ពេញនិយមដែលត្រូវបានបិទទ្វារចរាចរណ៍នៅពេលមានហេតុការណ៍នោះស្ថិតនៅក្នុងដែនសមត្ថកិច្ចរបស់ប៉ូលីស។ អ្នកបើកបរត្រូវបានចាប់ខ្លួនពីបទប៉ុនប៉ងធ្វើឃាតកម្ម។
