ប្រភពព័ត៌មានពី RT ចេញផ្សាយថ្ងៃទី១៤ ខែមករា ឆ្នាំ២០១៩
យន្តហោះ B-2 Spirit កំពុងត្រលប់ទៅរដ្ឋហាវ៉ៃដើម្បីបំពេញបេសកកម្មនៅតំបន់ឥណ្ឌូ-ប៉ាស៊ីហ្វិក។ ការដាក់ពង្រាយនេះកើតមានចំពេលមានភាពតានតឹងកាន់តែខ្លាំងរវាង សហរដ្ឋអាមេរិក និងប្រទេសចិនមានជម្លោះក្នុងសង្រ្គាមពាណិជ្ជកម្ម និងតាមផ្លូវទឹកជាច្រើន។
លោកវរសេនីយ៍ឯក Joshua Dorr មេបញ្ជាការកងអនុសេនាធំលេខ៣៩៣ មានប្រសាសន៍ ថា “ការដាក់ពង្រាយយន្តហោះនៅរដ្ឋហាវ៉ៃធ្វើឱ្យយើងអាចបង្ហាញដល់អាមេរិក និងអន្ដរជាតិថា B-2 ត្រូវគេមើលឃើញពេញរយៈពេល២៤ម៉ោងក្នុងមួយសប្តាហ៍ត្រៀមខ្លួនដើម្បីការពារប្រទេសរបស់យើង និងសម្ព័ន្ធមិត្តរបស់យើង”។ លោកប្រកាសដាក់ពង្រាយយន្តហោះទម្លាក់គ្រាប់បែក B-2 Spirit ចំនួនបី និងអាកាសយានិកចំនួន២០០នាក់ទៅកាន់មូលដ្ឋានតំបន់ Pearl Harbor-Hickam នៅរដ្ឋហាវ៉ៃ។
ខណៈពេលដែលកម្លាំងទ័ពអាកាសមិននិយាយឱ្យច្បាស់លាស់ពីប្រទេសចិន ឬគូប្រជែងដទៃទៀតក្នុងសេចក្តីថ្លែងការណ៍របស់ខ្លួននោះ សូមកត់សម្គាល់ថា ការទម្លាក់គ្រាប់បែក ដែល បញ្ជូនទៅឱ្យមូលដ្ឋានទំនាក់ទំនង Honolulu ដើម្បីគាំទ្រដល់បេសកកម្មកងកម្លាំងពិសេសប្រដាប់អាវុធបញ្ជាការ (BTF) នឹងត្រៀមរៀបចំដើម្បីបញ្ជាក់ឱ្យសហរដ្ឋអាមេរិកថា”ពួកគេត្រៀមខ្លួនជាស្រេចដើម្បីវាយប្រហារ “ក្នុងប្រតិបត្តិការដ៏ធំបំផុតរបស់កងកម្លាំងប្រដាប់អាវុធអាមេរិក។
កងកម្លាំងទ័ពអាកាសសង្កត់ធ្ងន់ថា លក្ខណៈពិសេសរបស់យន្តហោះធុន B-2 អាចផ្តល់សមត្ថភាពក្នុងការជ្រៀតចូលទៅក្នុងតំបន់ការពារដ៏ទំនើបបំផុតរបស់សត្រូវ ហើយអាចដាក់ កម្រិតគ្រោះថ្នាក់លើគោលដៅដ៏មានប្រសិទ្ធភាពបំផុត។
