ប្រភពព័ត៌មានពី RT ចេញផ្សាយថ្ងៃទី១៥ ខែមករា ឆ្នាំ២០១៩
ក្រុមគ្រូពេទ្យយកសាកសពជាច្រើនចេញពីអគារក្បែរសណ្ឋាគារមួយក្នុងការវាយប្រហារក្នុងរដ្ឋធានីណៃរ៉ូប៊ី ( Nairobi) ប្រទេសកេនយ៉ា។ ក្រុមសកម្មប្រយុទ្ធដែលមានទំនាក់ទំនងជាមួយនឹងក្រុមអាល់កៃដាអះអាងទទួលខុសត្រូវចំពោះឧបទ្ទវហេតុនោះ។
សណ្ឋាគារ DusitD2 និងបរិវេណការិយាល័យដែលនៅក្បែរគ្នារងការវាយប្រហារពីការផ្ទុះចំនួនពីរនៅថ្ងៃអង្គារ ខណៈដែលរូបភាពផ្ទាល់ពីកន្លែងកើតហេតុក៏មានជាមួយសំឡេងបាញ់ប្រហារ និងការផ្ទុះបន្ថែមទៀត។ មនុស្សដែលរងរបួសត្រូវគេនាំទៅឆ្ងាយពីហេតុការណ៍នេះ។ សិស្សនៅអាគារសាកលវិទ្យាល័យមួយនៅក្បែរនោះក៏ត្រូវគេជម្លៀសចេញផងដែរ។
សារព័ត៌មាន Reuters រាយការណ៍ថា យ៉ាងហោចណាស់មានសាកសពចំនួន៦ត្រូវយកចេញពីអគារនៅជុំវិញសណ្ឋាគារដែលអ្នកស្លាប់មានចំនួន៧នាក់។ អគ្គស្នងការប៉ូលិសកេនយ៉ាលោក Joseph Boinnet ចាត់ទុកឧបទ្ទវហេតុនោះជាការវាយប្រហារអំពើរភេរវកម្ម ។ លោកបន្ថែមថា ពួកសកម្មប្រយុទ្ធប្រដាប់អាវុធស្ថិតនៅក្នុងអាគារ ហើយធ្វើប្រតិបត្តិការ។
អ្នកនាំពាក្យក្រុមសកម្មប្រយុទ្ធអ៊ីស្លាមអាលសាបាប ប្រាប់ភ្នាក់ងារ Reuters ថាពួកគេទទួលខុសត្រូវចំពោះការវាយប្រហារនេះដោយបន្ថែមថា សមាជិករបស់ខ្លួននៅតែប្រយុទ្ធនៅខាងក្នុងដដែល។ គេប្រទះឃើញអ្នកជំនាញដោះមីននៅកន្លែងកើតហេតុ ប៉ុន្តែមិនទាន់ច្បាស់ថា តើពួកគេនៅបន្តនៅទីនោះខណៈដែលគ្រាប់កាំភ្លើង និងការផ្ទុះនៅកើតមានបន្តក្នុងសណ្ឋាគារ។
អ្នកនាំពាក្យស្នងការប៉ូលិសនិយាយថា ពួកគេកំពុងធ្វើការលើការវាយប្រហាររបស់ភេរវករ។ មេបញ្ជាការប៉ូលិស Nairobi លោកPhilip Ndoloនិយាយថា ពួកគេព័ទ្ធជុំវិញតំបន់មាត់ទន្លេដោយសារតែមានការប្លន់។
ទោះបីជាយ៉ាងណាក៏ដោយ តាមរយៈការនិយាយទៅកាន់ ទូរទស្សន៍ក្នុងតំបន់ អ្នកនាំពាក្យរបស់ប៉ូលិសនិយាយថា ពួកគេមិនទាន់អាចវាយតម្លៃពី លទ្ធភាពដែលថា វាជាការវាយប្រហាររបស់ពួកសកម្មប្រយុទ្ធទេ។ លោក ឆាលេស អូវីណូ (Charles Owino)ប្រាប់ទូរទស្សន៍ស៊ីធីហ្សិន (Citizen) ថា “យើងត្រូវតែស្វែងរកឧប្បត្តិហេតុ ខ្ពស់បំផុតដែលអាចកើតមានឡើង។ ឧប្បត្តិហេតុខ្ពស់បំផុតដែលយើងជួបគឺអំពើរភេរវកម្ម” ។
ខ្សែវីដេអូផ្សាយផ្ទាល់ក៏បានថតរូបភាពរបស់ប៉ូលិសកាន់កាប់នៅទីតាំងជុំវិញអាគារ និងជួយ មនុស្សរងរបួសឱ្យនៅឆ្ងាយពីឧបទ្ទវហេតុនេះ។ បុរសម្នាក់ពោរពេញដោយឈាមនៅពេលគេ ជម្លៀសគាត់ចេញ។ សណ្ឋាគារ DusitD2 ជាសណ្ឋាគារជំនួញផ្កាយប្រាំដែលមានបេតិកភណ្ឌថៃដែលត្រូវគេយកទៅរក្សាទុកក្នុងបរិវេណដែលមានសុវត្ថិភាព និងស្ងប់ស្ងាត់ត្រឹមតែប៉ុន្មាន នាទីប៉ុណ្ណោះក្រោយពីមានបញ្ហានៅសង្កាត់ពាណិជ្ជកម្មកណ្តាល Nairobi ។
