ប្រភពព័ត៌មានពី TASS ចេញផ្សាយថ្ងៃទី២៣ ខែមករា ឆ្នាំ២០១៩
លោក Sergey Tomilenko ប្រធានសហជីពអ្នកកាសែតជាតិអ៊ុយក្រែនមានប្រសាសន៏កាលថ្ងៃពុធថា មានការវាយប្រហារលើអ្នកកាសែតចំនួនច្រើនជាង១៧០ករណីកើតឡើងក្នុងប្រទេសអ៊ុយក្រែនក្នុងរយៈពេល២ឆ្នាំមកនេះ។
“សម្រាប់២ឆ្នាំជាប់ៗគ្នាយើងបានចងក្រងឯកសារអំពីកម្រិតនៃការឈ្លានពាន យ៉ាងខ្លាំងក្លាប្រឆាំងនឹងអ្នកសារព័ត៌មាន។ យោងទៅតាមប្រភពព័ត៌មានរបស់យើង អំពើហឹង្សាប្រឆាំងនឹងអ្នកសារព័ត៌មានចំនួន១៧៥ករណីត្រូវគេចុះបញ្ជីក្នុងរយៈពេល២ឆ្នាំកន្លងមក ហើយវាជាកម្រិតនៃការឈ្លានពានខ្លាំង។”
លោក Tomilenko លើកឡើងដោយ ដកស្រង់ចេញពីទិន្នន័យរបស់សហជីព។ នៅឆ្នាំ២០១៨ “មានឧប្បត្តិហេតុបែបនេះចំនួន៨៦ករណី”។ លោក Tomilenko បន្តថា ក្នុងចំណោមការវាយប្រហារទាំងនោះការវាយប្រហារ ចំនួន១២ លើកប្រព្រឹត្តដោយមន្រ្តី ហើយការវាយប្រហារចំនួន១០ លើកផ្សេងទៀតដោយមន្ត្រីប៉ូលិស ប៉ុន្តែការវាយប្រហារភាគច្រើនរបស់ពួកគេមានជាប់ពាក់ព័ន្ធនឹងអ្នកវាយប្រហារ ដែលមិនស្គាល់អត្តសញ្ញាណជាពលរដ្ឋអ៊ុយក្រែន។
លោកបន្ថែមថា ការវាយប្រហារលើអ្នក កាសែតបញ្ចប់ដោយនិទណ្ឌភាពទាំងស្រុងដូចរយៈពេលពី ២ឆ្នាំមុន ហើយមានតែករណី ប្រមាណ១០% ប៉ុណ្ណោះដែលត្រូវបញ្ជូនទៅដល់តុលាការដោះស្រាយ។ លោកបន្តថា “មាន ឧប្បត្តិហេតុចំនួន១៤៣ លើបញ្ជីនៅពេលដែលយើងបញ្ជូនករណីនេះទៅប៉ូលិស “។
ទោះជា យ៉ាងណា មានតែករណីចំនួន ១៤ ករណីប៉ុណ្នោះ ដែលនាំយកទៅដល់តុលាការដើម្បីធ្វើ ការដោះស្រាយ។ លោក Tomilenko ចង្អុលបង្ហាញថាសហជីពរបស់លោកទទួលទិន្នន័យស្ថិតិទាំងនោះពីឆ្នាំ ២០១៧ និង៩ ខែពីឆ្នាំ២០១៨។ ព័ត៌មានគួរឱ្យភ័យខ្លាចនេះបានជំរុញ ឱ្យសហភាអ្នកកាសែតអ៊ុយក្រែ ប្តឹងឧទ្ធរណ៍ទៅភ្នាក់ងារអនុវត្តច្បាប់ដោយមានសំណើដើម្បីចាត់វិធានការឱ្យមានប្រសិទ្ធភាពដើម្បីលុបបំបាត់អំពើហឹង្សាណាមួយប្រឆាំងនឹងអ្នកសារព័ត៌មាន” ។
