ប្រភពព័ត៌មានពី RT ចេញផ្សាយថ្ងៃទី០៧ ខែកុម្ភៈ ឆ្នាំ២០១៩
ក្រសួងការពារប្រទេសរបស់រុស្ស៊ីប្រាប់អ្នកការទូតអាមេរិកដោយអំណាវឱ្យសហរដ្ឋអាមេរិកឱ្យលុបចោលនូវការបាញ់មីស៊ីល និងវាយប្រហារប្រើយន្តហោះគ្មានមនុស្សបើកដើម្បីត្រឡប់ទៅអនុលោមតាមសន្ធិសញ្ញា INF វិញ។ ក្រសួងការពារជាតិ (MOD) កោះហៅមន្ត្រីយោធាអាមេរិកនៅទីក្រុងម៉ូស្គូនៅថ្ងៃពុធដើម្បីប្រគល់អនុសារណៈទាក់ទងនឹងសន្ធិសញ្ញានេះ។
ភាគីរុស្ស៊ីស្នើរឡើងថា ជនជាតិអាមេរិកត្រូវត្រលប់ទៅគោរពតាមយ៉ាងតឹងរឹងជាមួយសន្ធិ សញ្ញាកងកម្លាំងនុយក្លេអ៊ែរកម្រិតមធ្យម (INF) មុនពេលវាផុតកំណត់ក្នុងរយៈ ពេលប្រាំមួយ ខែទៀត។ ដើម្បីសម្រេចបានគោលបំណងនេះសហរដ្ឋអាមេរិកត្រូវតែបំផ្លាញឧបករណ៍បាញ់ មីស៊ីល Mk-៤១ ដែលត្រូវបានរចនាឡើងសម្រាប់បាញ់មីស៊ីល និងកាំជ្រួចមីស៊ីលគោលដៅ ឈ្មោះ Tomahawk ដែលតាមការពិតវាមានលក្ខណៈដូចគ្នានឹងកាំជ្រួចផ្លោងខ្នាតមធ្យមនិងខ្លី ដែលមានមូលដ្ឋានលើដីហាមឃាត់ដោយសន្ធិសញ្ញា INF ។
ក្រសួងនេះបន្ថែមថា យន្តហោះ គ្មានមនុស្សបើករបស់អាមេរិកគួរតែត្រូវបោះបង់ចោលដោយសារតែពួកគេស្ថិតនៅក្រោមគោលការណ៍របស់មីស៊ីលដែលមានមូលដ្ឋានលើដីស្របតាមកិច្ចព្រមព្រៀងនេះ។ នៅដើមខែកុម្ភៈ ទីក្រុងវ៉ាស៊ីនតោនដកខ្លួនចេញពីកិច្ចព្រមព្រៀង INF ដោយឯកតោភាគី ដែលជាមូលដ្ឋានគ្រឹះនៃសន្តិសុខអ៊ឺរ៉ុបតាំងពីឆ្នាំ១៩៨៧ មក។សហរដ្ឋអាមេរិកចោទប្រកាន់ប្រទេសរុស្ស៊ីថា ប្រទេសរុស្ស៊ីបង្កើតមីស៊ីលហាមឃាត់ ប៉ុន្តែសហរដ្ឋអាមេរិចអាចវិលត្រឡប់មករកកិច្ចព្រម ព្រៀងវិញប្រសិនបើក្រុងម៉ូស្គូលុបបំបាត់ការបំពានក្នុងរយៈពេល ១៨០ ថ្ងៃខាងមុខនេះ ។
ក្រសួងការពារប្រទេសរុស្ស៊ីលើកឡើងនៅថ្ងៃពុធថា ពួកគេបដិសេធចោលយ៉ាងដាច់អហង្ការនូវការអះអាងដោយគ្មានមូលដ្ឋានស្តីពីរុស្ស៊ីរំលោភលើកាតព្វកិច្ចរបស់ខ្លួនក្រោមសន្ធិសញ្ញា ។ ឧត្តមសេនីយ៍ឯក Igor Konashenkov អ្នកនាំពាក្យក្រសួងការបរទេសមានប្រសាសន៍ថា ការចោទប្រកាន់របស់អាមេរិកគឺមិនពិតទេ។
