ប្រភពព័ត៌មានពី RT ចេញផ្សាយថ្ងៃទី៤ ខែមិនា ឆ្នាំ២០១៩
កងកម្លាំងការពារអ៊ីស្រាអែល (IDF) និយាយថា ទាហានអ៊ីស្រាអែលជាច្រើននាក់ត្រូវរថយន្ត មួយបើកបុកក្នុងតំបន់ West Bank។ អ្នកវាយប្រហារចំនួន៣នាក់ត្រូវគេបាញ់សម្លាប់ ដោយកម្លាំងយោធាបាញ់តបតវិញ។ មន្ត្រីផ្លូវការរបស់ IDF ដកស្រង់សំដីរបស់មន្ត្រី IDF ថា ទាហាន IDF ដែលឈប់នៅតាមដងផ្លូវ NW Ramallah រងការវាយប្រហារពីភេរវជនដោយ មិនមានការបញ្ជាក់ពីចំនួនទាហាន ឬទំហំនៃចំនួនអ្នករងរបួសទេ។
កម្លាំងយោធាបាញ់ទៅលើអ្នកវាយចំនួនប្រហារបីនាក់ដែលស្ថិតក្នុងឡាននោះ មនុស្សចំនួនពីរនាក់រងរបួស និងធ្វើឱ្យអ្នកបីរងរបួសយ៉ាងធ្ងន់ធ្ងរ។របាយការណ៍ក្នុងប្រព័ន្ធផ្សព្វផ្សាយអ៊ីស្រាអែលផ្សាយថា ទាហានចំនួនពីរនាក់រងរបួស ហើយម្នាក់ក្នុងចំណោមពួកគេរងរបួសធ្ងន់ធ្ងរ។ ឧទ្ធម្ភាគចក្រ និងរថយន្តសង្គ្រោះត្រូវគេបញ្ជូនទៅដឹកអ្នកជំងឺ។
IDF បញ្ជូនកម្លាំងន្ថែមទៅពង្រឹងនៅតំបន់ដែលរងការវាយប្រហារមានចម្ងាយប្រហែល១០ គីឡូម៉ែត្រពីភាគពាយព្យទីក្រុង Ramallah របស់ប៉ាឡេស្ទីន។ទាហានអ៊ីស្រាអែលគឺជាគោលដៅនៃការវាយប្រហារពីរថយន្ដជាច្រើននៅតំបន់នោះក្នុងរយៈពេលប៉ុន្មានឆ្នាំថ្មីៗនេះ ហើយចំនួនច្រើនបំផុតកើតឡើងនៅចុងឆ្នាំ ២០១៥ និងដើមឆ្នាំ២០១៦ ។
នៅខែវិច្ឆិកាឆ្នាំ២០១៨ មានមនុស្សចំនួន៣ នាក់រងរបួសនៅពេលដែលអ្នកបើកបរតែម្នាក់បើករថយន្តដឹកសមាជិកក្រុមរបស់ពួកគេដែលបន្លំខ្លួនជាអ្នកធ្វើការងារវិស្វកម្មនៅលើផ្លូវ។ទាហានម្នាក់ទៀតបាញ់សម្លាប់អ្នកបើកបរម្នាក់ ហើយក្រោយមកអ្នកបើកបរនោះស្លាប់ដោយសាររបួស។
