ប្រភពព័ត៌មានពី BBC ចេញផ្សាយថ្ងៃទី១៨ ខែមីនា ឆ្នាំ២០១៩
ក្រុមពន្លត់អគ្គីភ័យកំពុងប្រតិបត្តិការបាញ់ពន្លត់អគ្គីភ័យនៅរោងចក្រធំមួយនៅទីក្រុង Birmingham ចក្រភពអង់គ្លេស។
អគ្គីភ័យឆាបឆេះនៅផ្លូវ Hay Hall Road តំបន់ Tyseley ទីក្រុង Birmingham ត្រូវបានរាយការណ៍កាលពីវេលាម៉ោង៥:១១នាទី GMT និងក្រុម West Midlands Fire Service ព្រមានថាផ្លូវថ្នល់នៅជិតកន្លែងកើតហេតុនឹងត្រូវបិទភ្លាមៗនោះផងដែរ។
ក្រុមពន្លត់អគ្គីភ័យប្រហែល៧០នាក់ កំពុងដោះស្រាយបញ្ហាឆាបឆេះនេះ នៅខណៈប្រជាពលរដ្ឋត្រូវបានជំរុញឱ្យបិទបង្អួច និងទ្វារ ដើម្បីរក្សាសុវត្តិភាពផងដែរ៕
