ប្រទេសរុស្ស៊ីបន្តការគំរាមកំហែងទៅកាន់សហរដ្ឋអាមេរិក

0

ប្រភពព័ត៌មានពី RT ចេញផ្សាយថ្ងៃទី២ ខែមេសា  ឆ្នាំ២០១៩

អាវុធនុយក្លេអ៊ែរដែលមានសមត្ថភាពបំផ្លាញសហរដ្ឋអាមេរិកអាចធ្វើឱ្យប្រទេសរុស្ស៊ីក្លាយជាតួអង្គគំរាមកំហែងទីក្រុងវ៉ាស៊ីនតោន យោងតាមប្រភពព័ត៌មានពីអគ្គសេនាធិ​ការកង​​ទ័ពសហរដ្ឋអាមេរិកលោក Mark Milley ប្រាប់សមាជិកសភា។ “ដោយសារសមត្ថ​ភាព​​នុយក្លេអ៊ែររបស់រុស្ស៊ីនោះ ពួកគេក្លាយជាប្រទេសតែមួយគត់នៅលើផែនដីដែលមាន សមត្ថភាពបំផ្លាញសហរដ្ឋអាមេរិក” នេះបើតាមសម្តីរបស់លោក Milley លើកឡើងនៅថ្ងៃអង្គារ។

ទោះជាយ៉ាងណាក៏ដោយសមត្ថភាពនោះមិនមែនមានន័យថា ប្រទេសរុស្ស៊ីគ្រោងនឹងប្រើវានោះទេ។ យោងតាមប្រសាសន៍របស់ឧត្តមសេនីយ៍ថា “ទីក្រុងម៉ូស្កូទំនងជានឹងអាចគំរាមកំហែងដល់ផលប្រយោជន៍របស់យើងសម្រាប់រយៈពេល២០ឆ្នាំ​ខាងមុខទៀតនៅពេលដែលពួកគេព្យាយាមគ្រប់គ្រងលើឥទ្ធិពលប្រវត្តិសាស្ត្រប្រវត្តិសាស្រ្ត និងបង្កើតរចនាសម្ព័ន្ធសេដ្ឋកិច្ច និងសន្តិសុខអឺរ៉ុបតាមចិត្តរបស់ពួកគេ”។

លោក Milley បន្ថែមថា “ ប្រទេសរុស្ស៊ី​នឹង​ព្យាយាមធ្វើឱ្យអន្តរាយដល់អង្គការណាតូ និងប្រជែងជាមួយ​អាមេរិក​​នៅ​គ្រប់តំបន់ទាំងអស់​ក្នុង​ពិភពលោក”។ ក្រៅពីលើកឡើងពីការទាមទារថវិកា​របស់​មន្ទីរ​បញ្ច​កោណ​ចំនួន៧៨០ពាន់លានដុល្លារសម្រាប់ឆ្នាំ២០២០ លោក Milley បន្ថែមថា ដៃគូប្រកួតប្រជែងក្បែរៗគ្នាមានដូចជា ប្រទេសចិន និងរុស្ស៊ី ដែលកំពុងតែខិតខំប្រឹងប្រែង​ធ្វើទំនើបកម្មលើកម្មវិធីដើម្បីបំផ្លាញឥទ្ធិពលយោធាអាមេរិក។

នេះមិនមែនជាលើកទី១ទេ ដែលលោក Milley ចោទប្រកាន់លើអំពីរបស់ប្រទេសរុស្ស៊ីថាជាការគំរាមកំហែង។ លោក​មានប្រសាសន៍ថាថា រឿងនេះធ្លាប់កើតឡើងនៅឆ្នាំ២០១៥ នៅពេលដែលលោកក្លាយជាប្រធាន​បុគ្គលិក​របស់កងទ័ពហើយលោកក៏មិនមែនជាមនុស្សតែម្នាក់ដែលគិត​ និងនិយាយដូច្នោះនោះទេ។ ទោះបីជាយ៉ាងណាក៏ដោយគាត់ត្រូវគេតែងតាំងជាប្រធានថ្មីនៃអគ្គសេនាធិការចំរុះនៅពេល ដែលឧត្តមសេនីយ៍ Joseph Dunford ចូលនិវត្តន៍នៅឆ្នាំមុន។

នៅពេលដែលគេសួរអំពីការ គំរាមកំហែងពីរបស់ប្រទេសរុស្ស៊ីទៅកាន់អង្គការណាតូ និងអាមេរិក ប្រធានាធិបតី​អាមេរិក លោក Donald Trump ប្រាប់ក្រុមអ្នកសារព័ត៌មាននៅឯសេតវិមាននៅថ្ងៃអង្គារថា លោក សង្ឃឹមថានឹងមិនមានការគំរាមកំហែងហើយលោកចង់មានទំនាក់ទំនងល្អជាមួយប្រទេសរុស្ស៊ី។ លោក Trump ថ្លែងក្រោយពីមានជំនួបការិយាល័យ Oval Office ជាមួយអគ្គលេខា​ធិការ​អង្គការណាតូលោក Jens Stoltenberg នៅទីក្រុងវ៉ាស៊ីនតោន​ដើម្បីអបអរ​ខួបអនុស្សា​វរីយ៍​សម្ព័ន្ធភាពលើកទី៧០ នៅសប្តាហ៍នេះ។

LEAVE A REPLY

Please enter your comment!
Please enter your name here