ប្រភពព័ត៌មានពី BBC ចេញផ្សាយថ្ងៃទី៩ ខែមេសា ឆ្នាំ២០១៩
សមាជិកកងកម្លាំងប្រដាប់អាវុធសហរដ្ឋអាមេរិកចំនួន៣នាក់ និងប្រធានក្រុមម្នាក់ត្រូវសម្លាប់ដោយគ្រាប់បែកតាមដងផ្លូវនៅប្រទេសអាហ្វហ្គានីស្ថាន។
សម្ព័ន្ធភាពណាតូនិយាយថា សមាជិកកងកម្លាំងប្រដាប់អាវុធចំនួន៣នាក់ទៀតរងរបួសផងដែរ។ ការផ្ទុះនេះកើតឡើងនៅក្បែរមូលដ្ឋានទ័ពអាកាសBagram ដែលមានចម្ងាយ៥០គីឡូម៉ែត្រខាងជើងរដ្ឋធានីកាប៊ុលផងដែរ។
មុននេះមានមនុស្ស៣នាក់ទៀតត្រូវសម្លាប់ នៅក្នុងការផ្ទុះ២ដងរួមគ្នា នៅក្នុងទីក្រុង Jalalabad ភាគខាងកើត។ សមាជិកយោធាអាមេរិកសរុបចំនួន៧នាក់ស្លាប់នៅអាហ្វហ្គានីស្ថាន នៅក្នុងឆ្នាំ២០១៩នេះ។ និងកាលពីខែមីនាទាហាន២នាក់ត្រូវសម្លាប់ផងដែរ។
ចំនួនតួរលេខរបស់សហរដ្ឋអាមេរិកមានកងទ័ពប្រហែល១៤,០០០នាក់នៅក្នុងប្រទេសអាហ្វហ្គានីស្ថាន។ កាលពីខែកុម្ភៈកន្លងទៅនេះ បេសកជនកំពូលរបស់អាមេរិកកំពុងស្វែងរកកិច្ចព្រមព្រៀងសន្តិភាព នៅអាហ្វហ្គានីស្ថានបានជួបជាមួយសហស្ថាបនិកតាលីបង់ ក្នុងគោលបំណងបញ្ចប់ជម្លោះដែលអូសបណ្តាយអស់រយៈពេល១៧ឆ្នាំមកនេះ៕
