ប្រភព័ត៌មានពី RT ចេញផ្សាយថ្ងៃទី១០ ខែមេសា ឆ្នាំ២០១៩
សមាជិកសភាជាន់ខ្ពស់មួយរូបមានប្រសាសន៍ថា ការតែងតាំងរបស់សេតវិមានចំពោះឆ្មាំបដិ វត្តន៍ Tehran ថា ការដាក់បញ្ចីថា IRGCជាក្រុមភេរវកម្ម គឺជាភស្តុតាងបង្ហាញពីការគាំទ្រសហរដ្ឋអាមេរិកចំពោះអំពើភេរវកម្ម ប៉ុន្តែមិនមែនមានន័យថា កម្លាំងអ៊ីរ៉ង់នឹងវាយប្រហារលើកងទ័ពអាមេរិកនៅមជ្ឈឹមបូព៌ានោះទេ។
លោក Heshmatollah Falahatpisheh ប្រធានគណៈកម្មាធិការសន្តិសុខជាតិរបស់សភាប្រាប់ភ្នាក់ងារព័ត៌មាន RIA Novosti ថា ការសម្រេចចុងក្រោយបំផុតរបស់ទីក្រុងវ៉ាស៊ីនតោនក្នុងការបញ្ចូលក្រុមឆ្មាំបដិវត្តន៍ឥស្សរជន (IRGC) ក្នុងបញ្ជីក្រុមភេរវករបរទេសរបស់ក្រសួងការបរទេសបង្ហាញថា ជនជាតិអាមេរិកកំពុងគាំទ្រអំពើរភេរវកម្ម។
មេដឹកនាំអ៊ីរ៉ង់ឆ្លើយតបដោយកំហឹងចំពោះការតែងតាំងរបស់ប្រធានាធិបតីអាមេរិកលោក Trump ដោយលើកដំបូងដែលសហរដ្ឋអាមេរិកដាក់ស្លាកឱ្យកម្លាំងកងទ័ពបរទេសថា ជា ក្រុមភេរវជន ហើយលោកប្រធានាធិបតី Hassan Rouhani មានប្រសាសន៍ថា សហរដ្ឋអាមេរិកគឺជាមេដឹកនាំនៃភេរវកម្មពិភពលោក។រដ្ឋាភិបាលរបស់លោកក៏វាយបកលើអាមេរិកវិញ ដោយដាក់ឈ្មោះបញ្ជាការកណ្ដាលអាមេរិក (CENTCOM) ជាអង្គការភេរវកម្ម។
លោក Falahatpisheh ពន្យល់ថា ការផ្លាស់ប្តូរនេះមិនមែនជាការប្រកាសសង្រ្គាមប្រឆាំងនឹងប្រទេសអាមេរិកនោះទេ។ លោកមិនជឿថា ភាពតានតឹងនឹងនាំឱ្យមានការប្រឈមមុខគ្នារវាងក្រុង Washington និងទីក្រុង Tehran ។ ទន្ទឹមនឹងនោះដែរនៅក្នុងទីក្រុង Tehran សមាជិកសភាមកពីក្រុមផ្សេងៗទៅជួបជុំគ្នានៅថ្ងៃអង្គារដោយស្លៀកពាក់ឯកសណ្ឋាន IRGC ព័ណ៌ខៀវចាស់បង្ហាញពីភាពសាមគ្គីភាពជាមួយនឹងកម្លាំងជាឥស្សរជន។ ក្រោយពីស្រែកពាក្យស្លោកប្រឆាំងនឹងជនជាតិអាមេរិក និងប្រឆាំងអ៊ីស្រាអែល សុន្ទរកថារំឭកថា ការសម្រេចចិត្តនោះគឺជាការសំរេចចិត្តរបស់Trump ។
