ប្រភពព័ត៌មានពី TASS ចេញផ្សាយថ្ងៃទី២៥ ខែមេសា ឆ្នាំ២០១៩
ការវាយប្រហារប្រឆាំងភេរវជនក្នុងខេត្តIdlib ប្រទេសស៊ីរីនៅបន្តហើយអ្នកតំណាងរបស់ប្រទេសរុស្ស៊ីនៅប្រទេសស៊ីរីលោក Alexander Lavrineyev ថ្លែងនៅថ្ងៃព្រហស្បតិ៍អំពីលទ្ធផលដំបូងនៃកិច្ចចរចានៅប្រទេសស៊ីរី។ លោកមានប្រសាសន៍ថា “ការវាយប្រហារនៅខេត្ត Idlib មានគោលបំណងលុបបំបាត់ក្រុមភេរវករដែលនៅក្រោមដីមាននៅទីនោះ”។
ប្រតិបត្ដិការយោធាទាំងនោះត្រូវគ្រោងទុកនិងប្រព្រឹត្តទៅតាមរបៀបដែលមិនធ្វើឱ្យប៉ះពាល់ដល់ជនស៊ីវិល។ នេះជាការព្រួយបារម្ភអំពីការវាយប្រហារចុងក្រោយប្រឆាំងនឹង Al-Nusra Front “។ បេសកជនរូបនេះថ្លែងថា “ការវាយប្រហារនឹងអនុវត្តបន្ត”។ យោងតាមប្រភពក្រសួងការពារជាតិរុស្ស៊ីបញ្ជាក់ថា ក្រុមភេរវករគ្រប់គ្រង៩៩ ភាគរយនៃខេត្ត Idlib។
តំបន់សុវត្ថិភាពចំនួន៤ ត្រូវបង្កើតឡើងក្នុងប្រទេសស៊ីរីស្របតាមកិច្ចព្រមព្រៀងដែលសម្រេចក្នុងកិច្ចចរចា Astana នៅខែឧសភាឆ្នាំ២០១៧ ដោយតំណាងប្រទេសរុស្ស៊ី អ៊ីរ៉ង់ និងទួរគី។ តំបន់ទាំង៣ ក្នុងចំណោមតំបន់សុវត្ថិភាពទាំងអស់ស្ថិតនៅក្រោមការគ្រប់គ្រងរបស់រដ្ឋាភិបាលនៅឆ្នាំ២០១៨។
តំបន់សុវត្ថិភាពទី៤ ដែលស្ថិតនៅខេត្ត Idlib និងនៅខេត្តជិតខាងរបស់ Latakia មាន Hama និងក្រុង Aleppo ស្ថិតនៅក្រៅការគ្រប់គ្រងរបស់រដ្ឋាភិបាល ហើយទឹកដីភាគច្រើនត្រូវក្រុមJabhat al-Nusra ត្រួតត្រា។
