ប្រភពព័ត៌មានពី TASS ចេញផ្សាយថ្ងៃទី២ ខែឧសភា ឆ្នាំ២០១៩
មនុស្សចំនួនច្រើនជាង ១.៣០០នាក់ចាកចេញពីជំរំជនភៀសខ្លួន Rukban នៅថ្ងៃពុធ ហើយចូលទៅដែនដីដែលគ្រប់គ្រងដោយកងកម្លាំងរដ្ឋាភិបាលស៊ីរី នេះយោងតាមប្រសាសន៍របស់ប្រធានមជ្ឈមណ្ឌលរុស្ស៊ីដើម្បីផ្សះផ្សាភាគីប៉ះទង្គិចនៅក្នុងប្រទេសស៊ីរីលោក Viktor Kupchishin លើកឡើងនៅ ថ្ងៃព្រហស្បតិ៍។
នៅថ្ងៃទី១ ខែឧសភាជនភៀសខ្លួនចំនួន១៣៧៩នាក់ផ្សេងទៀតចាកចេញពីជំរំ Rukban តាមច្រកមនុស្សធម៌ដោយឆ្លងកាត់ច្រក Jleb ហើយជនភៀសខ្លួនស៊ីរីទាំងអស់ដែលចាកចេញពីជំរុំទទួលបានជំនួយផ្នែកវេជ្ជសាស្ត្រក៏ដូចជាម្ហូបអាហារ និងចំណីអាហារ។ លោក Kupchishin មានប្រសាសន៍ថា ចាប់តាំងពីច្រក Jleb បើកដំណើរការមានប្រជាជនសរុបចំនួន៩.១៨៥នាក់ ចាកចេញពីជំរុំ Rukban និងចូលទៅក្នុងទឹកដីគ្រប់គ្រងដោយអាជ្ញាធរស៊ីរី។
ជំរុំជនភៀសខ្លួន Rukban បង្កើតឡើងនៅតាមព្រំដែនស៊ីរី និងហ្ស៊ូដាននៅឆ្នាំ២០១៤ ក្រោយពីអាជ្ញាធរហ្ស៊ូដានបិទព្រំដែនដើម្បីយកចិត្តទុកដាក់លើបញ្ហាសន្តិសុខ។ តំបន់ក្បែរគ្នាត្រូវក្រុមប្រដាប់អាវុធខុសច្បាប់គ្រប់គ្រង។ ស្ថានភាពមនុស្សធម៌ក្នុងជំរំនោះត្រូវគេពិពណ៌នាថា មានលក្ខណៈធ្ងន់ធ្ងរ។
