ប្រភពព័ត៌មានពី IraqiNews ចេញផ្សាយថ្ងៃទី៥ ខែឧសភា ឆ្នាំ២០១៩
ទីភ្នាក់ងារសារពត៌មានAnadolu រាយការណ៍ថាទាហានទួរគី៣នាក់ត្រូវសម្លាប់ និងម្នាក់ទៀតរងរបួសក្នុងហេតុការវាយប្រហារកាំភ្លើងត្បាល់ដោយពួកឃឺដនៅភាគអាគ្នេយ៍ប្រទេសទួរគីកាលពីថ្ងៃសៅរ៍នេះ។
ក្រសួងការពារជាតិទួរគីនិយាយនៅក្នុងសេចក្តីប្រកាសពត៌មានមួយកាលពីថ្ងៃអាទិត្យនេះថាពួកឃឺដស្ថិតនៅភាគខាងជើងប្រទេសអ៊ីរ៉ាក់បាញ់គ្រាប់កាំភ្លើងត្បាល់សំដៅទៅកាន់ខេត្តHakkari ភាគអាគ្នេយ៍ប្រទេសទួរគីបណ្តាលឱ្យទាហាន៣នាក់ស្លាប់ និងម្នាក់រងរបួស។
គួររំលឹកថាពួកឃឺដធ្វើយុទ្ធនាការភេរវកម្មជាង៣០ឆ្នាំរបស់ខ្លួនប្រឆាំងនឹងប្រទេសទួរគី ហើយក៏ត្រូវគេចុះបញ្ជីជាអង្គការភេរវកម្មដោយប្រទេសទួកគី សហរដ្ឋអាមេរិក និងសហភាពអឺរ៉ុប ហើយក្រុមនេះក៏ទទួលខុសត្រូវចំពោះការស្លាប់របស់មនុស្សជិត៤០,០០០នាក់រួមទាំងស្ត្រី និងកុមារជាច្រើន។
![](https://i0.wp.com/cdn.nctc.gov.kh/2019/05/ា-11.jpg?resize=480%2C360&ssl=1)