ប្រភពព័ត៌មានពី RT ចេញផ្សាយថ្ងៃទី៦ ខែឧសភា ឆ្នាំ២០១៩
យោងតាមប្រភពព័ត៌មានផ្សព្វផ្សាយរដ្ឋាភិបាលបង្ហាញឱ្យដឹងថា កងទ័ពស៊ីរីដណ្តើមបានភូមិមួយ និងភ្នំយុទ្ធសាស្ត្រពីអ្នកបះបោរនៅភាគពាយ័ព្យនៃប្រទេសនៅថ្ងៃចន្ទក្រោយពេលមានការប្រយុទ្ធគ្នាខ្លាំងបំផុតនៅតំបន់នោះរយៈពេល៨ខែ។
ប្រព័ន្ធផ្សព្វផ្សាយរដ្ឋាភិបាលនិយាយថា ភូមិ al-Bani និងភ្នំ Othman ស្ថិតនៅក្បែរតំបន់ជនបទភាគខាងជើងនៃខេត្ត Hama ត្រូវគេដណ្តើមយកបាន។ នេះគឺជាការប្រឹងប្រែងខ្លាំងបំផុតរបស់កម្លាំងសម្ព័ន្ធមិត្តជាមួយក្រុង Damascus។ នោះជាការប្រឹងប្រែងពីមុនមករហូតមកដល់ឆ្នាំនេះនៅក្នុងតំបន់រឹងមាំបំផុតរបស់ឧទ្ទាមក្នុងប្រទេសស៊ីរី។
សកម្មភាពវាយលុកចុងក្រោយបំផុតចាប់ផ្តើមនៅថ្ងៃទី៣០ ខែមេសា ហើយក្រុមឧទ្ទាមភ័យខ្លាចថា រដ្ឋាភិបាលអាចចាប់ផ្តើមការវាយប្រហារធំជាងនេះដើម្បីដណ្តើមយកតំបន់នោះឡើងវិញ។ ទីភ្នាក់ងារសារព័ត៌មានរបស់ SANA និយាយថា កងទ័ពស៊ីរីបង្កើនការវាយប្រហារលើក្រុមបះបោរនៅភាគខាងជើងខេត្ត Hama និងនៅភាគខាងត្បូងខេត្ត Idlib ។
