ប្រភពព័ត៌មានពី RT ចេញផ្សាយថ្ងៃទី៦ ខែឧសភា ឆ្នាំ២០១៩
ក្រុមអ្នកស៊ើបអង្កេត និងមន្ត្រីមកពីគណៈកម្មាធិការអាកាសចរណ៍អន្តរជាតិ (IAC) ប្រមូល បំណែកយន្តហោះ Sukhoi Superjet-១០០ ទាំងអស់ដែលធ្លាក់នៅអាកាសយានដ្ឋាន Sheremetyevo ក្នុងក្រុងម៉ូស្គូដាក់នៅក្នុងឃ្លាំងពិសេសមួយ។
យោងតាមប្រភពព័ត៌មានពីលោក Svetlana Petrenko អ្នកតំណាងរបស់គណៈកម្មាធិការស៊ើបអង្កេតរុស្ស៊ី (SKR) បញ្ជាក់ឱ្យដឹងថាកម្ទេចកម្ទីទាំងនោះនឹងត្រូវរក្សាទុកនៅទីនោះក្នុងអំឡុងពេលស៊ើបអង្កេត។
លោក Petre nko មានប្រសាសន៍នៅថ្ងៃចន្ទថាទិន្នន័យទិន្នន័យហោះហើររបស់យន្តហោះដែលផ្ទុះឆេះក្រោយពីការចុះចតត្រូវគេរកឃើញហើយក្រោយមកអ្នកស៊ើបអង្កេតចាប់ផ្តើមធ្វើការងារស៊ើបអង្កេតលើកិច្ចការទាំងនោះ។ មូលហេតុជាច្រើនបណ្តាលឱ្យមានការធ្លាក់យន្តហោះនេះកំពុងត្រូវគេពិចារណា។
ជើងហោះហើរធ្វើដំណើរពីទីក្រុងម៉ូស្គូមកកាន់ Murmansk មានមនុស្សសរុបចំនួន ៧៨នាក់នៅលើយន្តហោះ។ មន្ត្រីនិយាយថាគ្រោះថ្នាក់នេះសម្លាប់មនុស្សចំនួន ៤១នាក់។ យោងតាមប្រភពព័ត៌មានពីក្រសួងសុខាភិបាលរុស្ស៊ីបង្ហាញឱ្យដឹងថាមនុស្សចំនួន ៦នាក់ត្រូវសម្រាកនៅមន្ទីរពេទ្យ។
