ប្រភពព័ត៌មានពី RT ចេញផ្សាយថ្ងៃទី១៦ ខែឧសភា ឆ្នាំ២០១៩
ប្រធានាធិបតីទួរគីលោក Recep Tayyip Erdogan និយាយថាក្រុងអង់ការ៉ា និងបាដាដពិភាក្សាលើកិច្ចព្រមព្រៀងដែលអាចធ្វើបានដើម្បីបង្កើនកិច្ចសហប្រតិបត្តិការយោធា និងសន្តិសុខរវាងប្រទេសជិតខាងនេះ។
លោក Erdogan ថ្លែងទៅកាន់អ្នកយកព័ត៌មាននៅទីក្រុងអង់ការ៉ាបន្ទាប់ពីកិច្ចប្រជុំជាមួយនាយករដ្ឋមន្ត្រីអ៊ីរ៉ាក់លោក Adel Abdul Mahdi នៅថ្ងៃពុធនេះ។
មេដឹកនាំទួរគីនិយាយថាបំពង់បង្ហូរប្រេងដែលកំពុងរត់ពីវាលប្រេងរបស់ប្រទេសអ៊ីរ៉ាក់ទៅទួរគីដែលត្រូវបានខូចខាតក្នុងអំឡុងពេលមានវត្តមានរបស់រដ្ឋឥស្លាម ISIS នៅអ៊ីរ៉ាក់គួរតែត្រូវជួសជុលយ៉ាងឆាប់រហ័ស និងក្លាយជាប្រតិបត្តិការមួយដ៏សំខាន់ផងដែរ។
AP និយាយថាទីក្រុងអង់ការ៉ាទំនងជានឹងមើលទៅអ៊ីរ៉ាក់សម្រាប់ការផ្គត់ផ្គង់ប្រេងរបស់ខ្លួនបន្ទាប់ពីអាមេរិកប្រកាសបញ្ចប់ការលើកលែងដែលអនុញ្ញាតឱ្យប្រទេសទួរគីនាំចូលពីអ៊ីរ៉ង់បើទោះបីជាមានការដាក់ទណ្ឌកម្មក៏ដោយ៕
