ប្រភពព័ត៌មានពី RT ចេញផ្សាយថ្ងៃទី២១ ខែឧសភា ឆ្នាំ២០១៩
ក្រុមឧទ្ទាម Houthi នៅយេម៉ែននិយាយនៅថ្ងៃអង្គារថា ពួកគេបញ្ជាយន្តហោះគ្មានមនុស្សចូលទៅក្នុងប្រទេសអារ៉ាប់ប៊ីសោឌីដោយសំដៅទៅព្រលានយន្តហោះមួយដែលមានមូលដ្ឋានយោធា។ ក្រុម Houthis និយាយថា ពួកគេកំណត់គោលដៅលើឃ្លាំងអាវុធនៅអាកាសយានដ្ឋាន Najran ក្នុងប្រទេសអារ៉ាប៊ីសោឌី នេះបើយោងតាមទូរទស្សន៍ Al Masirah។
ក្រុម Houthis ទទួលស្គាលការវាយប្រហារនោះ។ អ្នកនាំពាក្យរបស់ក្រុមចម្រុះដឹកនាំដោយអារ៉ាប៊ីសោឌីលោក Col. Turki al-Maliki មានប្រសាសន៍ថា ក្រុមឧទ្ទាម Houthi ព្យាយាមកំណត់គោលដៅលើតំបន់ស៊ីវិលនៅ Najran។ ក្នុងសេចក្តីថ្លែងការណ៍មិនបាននិយាយពីការស្លាប់ និងរបួសទេ។
នៅថ្ងៃចន្ទ ក្រុម Houthis បដិសេធរបាយការណ៍លើប្រព័ន្ធផ្សព្វផ្សាយអារ៉ាប៊ីសោឌីថា ពួកមិនបានបាញ់មីស៊ីលឆ្លងទ្វីបឆ្ពោះទៅទីក្រុង Mecca ដែលជាទីសក្ការបូជាធំបំផុតរបស់អ៊ីស្លាម។ ហេតុការណ៍នេះកើតមានឡើងនៅពេលមានភាពតានតឹងរវាងប្រទេសអ៊ីរ៉ង់ និងរដ្ឋអារ៉ាប់ដែលជាប់ពាក់ព័ន្ធជាមួយសហរដ្ឋអាមេរិក។
