ប្រភពព័ត៌មានពី RT ចេញផ្សាយថ្ងៃទី២៣ ខែឧសភា ឆ្នាំ២០១៩
កងនាវាចរអាមេរិកធ្វើសមយុទ្ធរួមគ្នាជាមួយនាវាចម្បាំងមកពីប្រទេសជប៉ុន អូស្ត្រាលី និងកូរ៉េខាងត្បូងក្នុងការធ្វើសមយុទ្ធរួមគ្នាលើកដំបូងនៅប៉ាស៊ីហ្វិកភាគខាងលិច។ លំហាត់សមយុទ្ធ Pacific Vanguard នៅជិតកោះរបស់សហរដ្ឋអាមេរិក Guam ធ្វើឡើងមុនដំណើរទស្សនកិច្ចរបស់លោកប្រធានាធិបតី Donald Trump ទៅកាន់ប្រទេសជប៉ុននៅចុងសប្ដាហ៍នេះ។
ឧត្តមនាវីទោលោក Phillip Sawyer មេបញ្ជាការកងនាវាចរទី៧ នៃកងនាវាចរអាមេរិកមានប្រសាសន៍នៅថ្ងៃព្រហស្បតិ៍ថា សមយុទ្ធនេះចូលរួមជាមួយកងកម្លាំងនាវាចរចំនួន ៤ប្រទេសដែលផ្តល់កិច្ចការពារសន្តិសុខនៅទូទាំងឥណ្ឌូចិន។
ការធ្វើសមយុទ្ធរយៈពេល ៦ថ្ងៃនេះមាននាវាពិឃាដរបស់ជប៉ុនចំនួនពីរគ្រឿង នាវាចម្បាំងអូស្រ្តាលីចំនួនពីរគ្រឿងនិងនាវាពិឃាតមួយគ្រឿងមកពីប្រទេសកូរ៉េខាងត្បូងដែលមាននាវិកចំនួនបីពាន់នាក់ចូលរួម។
