ប្រភពព័ត៌មានពី RT ចេញផ្សាយថ្ងៃទី២៣ ខែឧសភា ឆ្នាំ២០១៩
ក្រសួងការពារជាតិនិយាយនៅថ្ងៃព្រហស្បតិ៍ថា ប្រព័ន្ធការពារដែនអាកាសរុស្ស៊ីបំផ្លាញគ្រាប់រ៉ុក្កែតចំនួន៤គ្រាប់ដែលភេរវករបាញ់ចេញពីប្រព័ន្ធបាញ់បង្ហោះជាច្រើននៅមូលដ្ឋានអាកាស Hmeymim ក្នុងប្រទេសស៊ីរី។
យោងតាមប្រភពព័ត៌មានពីយោធាបង្ហាញថា ការវាយប្រហារធ្វើឡើងនៅល្ងាចថ្ងៃពុធ។ ក្រសួងនេះបញ្ជាក់ឱ្យដឹងក្នុងសេចក្តីថ្លែងការណ៍មួយថា: «គ្រាប់រ៉ុក្កែតទាំងអស់ត្រូវប្រព័ន្ធការពារអាកាសរបស់រុស្ស៊ីចាប់បាន និងបំផ្លាញចោល»។
ប្រភពដដែលបន្ថែមថា ក្នុងការវាយប្រហារយ៉ាងច្បាស់លាស់ ប្រព័ន្ធការពារអាកាសរបស់រុស្ស៊ីបំផ្លាញប្រព័ន្ធបាញ់រ៉ុក្កែតនៅក្នុងតំបន់ Idlib។ យន្តហោះគ្មានមនុស្សបើកចំនួនពីរគ្រឿងដែលបញ្ជាដោយក្រុមភេរវករក៏ធ្លាប់ធ្វើការវាយប្រហារលើរោងចក្រអគ្គិសនី al-Zara ស្ថិតនៅភាគពាយព្យនៃទីក្រុង Hama ប្រភពព័ត៌មានដកស្រង់ពីកម្លាំងយោធា។
![](https://i0.wp.com/cdn.nctc.gov.kh/2019/05/ា-59.jpg?resize=280%2C157&ssl=1)